Ministr Aida Balaeva birqatar sheneýniktiń ustalǵany týraly aqparatty joqqa shyǵardy, dep habarlaidy Dalanews.kz.
Keibir resmi BAQ pen anonimdi telegram-arnalarda memlekettik qyzmetshilerdiń ustalǵany týraly rastalmaǵan aqparat taratylýda.
"Aqparattyń shynaiylyǵyn tekserý mindeti, kinásizdik prezýmptsiiasy qaǵidasy, sondai-aq jýrnalistik etika bar ekenin este saqtaý qajet. "Haip" qýyp, kóbine rastalmaǵan derekterge júgingen kezde jýrnalister mundai aqparattyń azamattarǵa jáne olardyń jaqyn týystaryna ziian keltirýi múmkin ekenin, olardyń ar-namysy men qadir-qasietine nuqsan tigizetinin, shyn máninde jala bolyp tabylatynyn umytpaýy tiis", - deidi ministr.
Ol kásibi BAQ pen jýrnalister saqtaýy tiis mindetterdi ustanýǵa shaqyryp, sondai-aq jalǵan aqparat taratqany úshin ákimshilik ári qylmystyq jaýapkershilik kózdelgenin eske saldy.
Aita keteiik, telegramda syrtqy ister ministri Murat Nurtileý men kásipker Gadji Gadjievtiń ustalǵany týraly aqparat taraǵan bolatyn.
