Qazaqstan Respýblikasy Premer-ministriniń orynbasary – Mádeniet jáne aqparat ministri Aida Balaeva qazaqstandyq ánshi Nurjas Sadyrbaevty «Voice Beyond Horizon» jobasyndaǵy jeńisimen quttyqtady, dep habarlaidy Dalanews.kz.
Ministr óz quttyqtaýynda Nurjastyń talanty, eńbegi men sahnadaǵy sheberligi halyqaralyq deńgeide joǵary baǵalanǵanyn atap ótti.
«Qazaqstandyq talantty ánshi Nurjas Sadyrbaevty “Voice Beyond Horizon” halyqaralyq jobasyndaǵy jarqyn jeńisimen shyn júrekten quttyqtaimyn. Nurjastyń talanty, eńbegi men sahnadaǵy sheberligi álemniń ár elinen kelgen qatysýshylar arasynda erekshe tanylyp, laiyqty túrde joǵary baǵalandy», – dedi Aida Balaeva.
Ministrdiń aitýynsha, Dimash Qudaibergen bastamasymen júzege asqan joba Túrkistan qalasynda bastalyp, Aqtaý men Almatyda jalǵasyp, elordada qorytyndylanǵan.
Joba aiasynda Qytai, Qazaqstan, Malaiziia, Serbiia, Italiia jáne Qyrǵyzstan elderinen kelgen qatysýshylar Qazaqstannyń kieli jerlerin aralap, halqymyzdyń mádenietimen, tarihymen jáne tabiǵatymen tanysqan.
Sondai-aq Aida Balaeva jas óner iesine aldaǵy ýaqytta jańa shyǵarmashylyq tabystar tiledi.
«Qazaq óneriniń kókjiegi keńeie bersin!» – dep túiindedi ministr.
