Astana qalasyndaǵy №99 orta mektepte zamanaýi tehnologiialarmen jabdyqtalǵan, oqý protsesin jańa deńgeige kóterýge baǵyttalǵan innovatsiialyq bilim berý keńistigi ashyldy. TopIQ Smart Class pilottyq jobasy Astana qalasy ákimdiginiń bastamasymen engizilip otyr, dep habarlaidy Dalanews.kz
QR Premer-ministriniń orynbasary – mádeniet jáne aqparat ministri Aida Balaeva ashyq sabaq barysynda jańa júieniń múmkindikterimen tanysty. Sabaqta innovatsiialyq synyptyń negizgi fýnktsiialary men bilim berý protsesindegi praktikalyq áleýeti kórsetildi.
Aida Balaeva bilim berý protsesine innovatsiialyq tehnologiialar men jasandy intellekt quraldaryn engizý máselesine jan-jaqty ári baiyppen qaraý qajet ekenin atap ótti. Onyń aitýynsha, eń aldymen mundai sheshimderdiń balalardyń bilim sapasyna áseri eskerilýi tiis.
«Mundai oiyn jáne tsifrlyq formattardyń oqý protsesine qalai yqpal etetinin naqty túsiný mańyzdy. Dástúrli oqytý júiesi de óz mánin saqtaýy kerek. Pánderdi oqytýda saralanǵan tásil qoldanylyp, ár balanyń jeke ereksheligi eskerilýi qajet. Ustazdyń basty mindeti – tek bilim berý ǵana emes, sonymen qatar tulǵa qalyptastyrý, jaýapty ári laiyqty azamat tárbieleý. Osyǵan bailanysty mundai tehnologiialardyń artyqshylyqtary men yqtimal táýekelderine keshendi taldaý júrgizý mańyzdy», – dedi Úkimet basshysynyń orynbasary.
Innovatsiialyq synyp 25 smart partamen jabdyqtalǵan. Ár parta oqýshyǵa jeke tsifrlyq jumys keńistigin usynady. Oqýshylar osy qurylǵylar arqyly elektrondy oqýlyqtarmen jumys istep, tapsyrmalar oryndaidy, mýzykalyq aspaptardy meńgeredi, sondai-aq 3D sýret salý jáne modeldeý daǵdylaryn damytady.
Jasandy intellekt júiesi oqýshylardyń úlgerimin taldap, olardyń daiyndyq deńgeiine qarai tapsyrmalardy avtomatty túrde beiimdeidi. Al, pedagog smart ústel arqyly ár oqýshynyń jumysyn naqty ýaqyt rejiminde baqylap, oqý qarqynyn rettei alady jáne qajet kezde qoldaý kórsetedi. Sonymen qatar AI negizindegi analitikalyq derekter ár balanyń oqý dinamikasyn obektivti baǵalaýǵa múmkindik beredi.
Smart taqta sabaqtardy tolyq interaktivti formatta ótkizýge jol ashady. Onyń kómegimen oqý materialdaryn tsifrlyq formatta saqtap, qaita paidalanýǵa, sondai-aq oiyn jáne jarys elementteri bar sabaqtar uiymdastyrýǵa bolady.
Joba zamanaýi interaktivti bilim berý ortasyn qalyptastyrýǵa, bilim sapasyn arttyrýǵa jáne jańa býynnyń tsifrlyq quzyretterin damytýǵa baǵyttalǵan.
