Pýtin Ýkraianaǵa qarsy áskeri operatsiiasyn (soǵys) bastaǵanda Tinkov oǵan qarsy oiyn aityp, eń sońynda quny ondaǵan milliard dollar turatyn «Tinkov» dep atalatyn bankinen aiyrylǵanyn bilemiz.
Sol Tinkovtyń sońǵy ýaqyttary kórmegeni joq. Ol aqqan aýrýyna shaldyǵyp, ólim aýzynan qalǵan bolatyn.
Oligarh belgili bloger Iýrii Dýdke bergen suhbatynda nemis dárigeriniń aldynda eski ádetine basyp, yńǵaisyz jaǵdaiǵa qalǵanyn aityp berdi.
– Men aqqan aýrýyna shaldyqqannan keiin Germaniia astanasy Berlindegi Helios dep atalatyn klinikada em qabyldap, ota jasatyp, bilikti nemis dárigerleriniń arqasynda aman qaldym, – deidi Tinkov.
Oligarh em alyp jatqanda, ózimen qatar jatqan palatada leikemiia, iaǵni, aqqan aýrýyna shaldyqqan qarapaiym nemis baǵbany da em alyp jatqanyn biledi.
Milliardtaǵan dollary bar baishykesh baǵbanmen qatar em alyp jatqanyn bilgende kóńiline kúmán uialaidy ǵoi. Osylai oiǵa batqan oligarh ózine qarap júrgen professor palatasyna bas suǵyp, kezekti em-domyn jasai bastaǵanda ol dárigerdiń bileginen shap berip ustap, óziniń oligarh ekenin aityp, dertinen qulan-taza aiyǵý úshin aqshany aiamaitynyn aitady ǵoi sabazyń. Sol kezde nemis dáriger:
– Tinkov myrza, men sizdiń kim ekenińizdi jaqsy bilemin. Ras, kórshiles palatada nemistiń qarapaiym baǵbany dál sizdiń diagnozyńyzben em alyp jatyr. Biraq biz úshin bul sizdiń kókeiińizge kúmán uialatatyn dúnie emes.
Túsinemin, sizderdiń elde aqshany kóp tólegen adamaǵa jaqsy meditsinalyq qyzmet kórsetiledi. Bizde basqasha, kórshi palatada jatqan baǵban nemis azamaty bolǵandyqtan onyń barlyq em-domyna ketetin shyǵyndy memleket tóleidi. Al siz Germaniia azamaty bolmaǵandyqtan emhana kórsetken mólsherdegi aqyny tólep, em alýdasyz.
Sizdiń aqshaly adam ekenińizdi bilemiz. Biraq bizder muny paidalanyp, sizden bir tiynda artyq aqy almaimyz. Sodan keiin leikemiia aýrýyn emdeý boiynsha meditsina ǵylymnyń eń sońǵy jetistikteri boiynsha em alatynyńyzǵa kúmánińiz bolmasyn! Dál sizge kórsetken em-sharalarlardy kórshi palatada jatqan qarapaiym baǵbanǵa da kórsetemiz. Biz adamdardy alalap, emedemeimiz. Ómirińizdi saqtap qalý úshin qoldan kelgen sharanyń bárin isteimiz. Bul jerde sizdiń ómirińizdi aqsha arashalap qalmaidy, – degen de orys oligarhynyń beti narttai bolyp qyzaryp ketken ǵoi.
Áne damyǵan el... Postkeńestik elderde az kúnde baiyp ketken oligarhtar bárin aqshaǵa satyp alýǵa bolady dep oilaidy. Damyǵan elderde bári kerisinshe. Batys elderinde birinshi orynda aqsha emes, adam turady. Adamaǵa degen qurmet kúshti. Qarapaiym baǵbannyń ómiri úshin memleket qandai shyǵynǵa bolsa da daiyn. Al bizde she?
