Jambyl oblysynda shetel azamattaryn jappai jalǵan tirkeýge qoiǵan "rezeńke páterler" anyqtaldy, dep habarlaidy dalanews.kz.
Prokýratýra málimetinshe, Qalǵuty aýylyndaǵy bir mekenjaiǵa birden 12 Ózbekstan azamaty tirkelgen. Alaida olardyń is júzinde Almaty qalasynda turyp, jumys istegeni belgili bolǵan.
Osyǵan uqsas jaǵdai Sortóbe aýylynda da anyqtalǵan. Onda Qyrǵyzstannyń toǵyz azamaty jalǵan túrde tirkeýge qoiylǵan. Tekserý barysynda olardyń da basqa óńirlerde júrgeni belgili boldy.
Qadaǵalaý organynyń málimetinshe, mundai jalǵan tirkeýler kóshi-qon esebin burmalap qana qoimai, ózge de zańbuzýshylyqtardy jasyrý úshin paidalanylýy múmkin.
Tekserý qorytyndysy boiynsha barlyq jalǵan tirkeýlerdiń kúshi joiylyp, kináli tulǵalar jaýapkershilikke tartylǵan.
