Qyzylordadaǵy jataqhanalardyń birinen 16 jastaǵy stýdent óli tabyldy. Marqum - Nurdáýlet Myrzaly. Onyń cúiegi 8 mamyrǵa qaraǵan túni tabylǵan, dep habarlaidy dalanews.kz "Kriminalnyi Kazahstan" arnasyna siltep.
Marqumnyń týystary Nurdáýlet joǵary kýrs stýdentteriniń soqqysynan qaza tapty dep esepteidi. Otbasynyń aitýynsha, birneshe úshinshi kýrs stýdenti ony uryp-soǵyp, keiin bolǵan jaǵdaidy jasyrýǵa tyrysqan.
Qaza tapqan stýdenttiń ápkesi kúdiktiler jasóspirimniń denesin qan-josa kúide dálizben súirep aparyp, bólmege jasyrǵanyn aitady.
Bul iske bailanysty "Densaýlyqqa qasaqana aýyr ziian keltirý" baby boiynsha qylmystyq is qozǵaldy. Bir kúdikti qamaýǵa alynǵan.
Kolledj ákimshiligi jataqhanadaǵy tártipti baqylamaǵany úshin birneshe qyzmetker jumystan shyǵarylǵanyn habarlaǵan. Sonymen qatar, oqý orny basshylyǵy qaiǵyly jaǵdaiǵa býlling emes, jeke janjal sebep bolǵanyn málimdegen.
Marqumnyń otbasy tóbeleske qatysqandarmen qatar stýdentterdiń qaýipsizdigine jaýapty qyzmetkerlerdi de jaýapqa tartýdy talap etip otyr.
