Májilis «Qazaqstan Respýblikasynyń keibir zańnamalyq aktilerine sailaýdy jetildirý máseleleri boiynsha ózgerister men tolyqtyrýlar engizý týraly» zań jobasyn jáne Ákimshilik quqyq buzýshylyq týraly kodekske ilespe túzetýlerin birinshi oqylymda maquldady, dep habarlaidy dalanews.kz.
Zań jobalary birqatar normalardy «Qazaqstan Respýblikasyndaǵy sailaý týraly» Konstitýtsiialyq zańǵa sáikes keltirýge baǵyttalǵan. Atap aitqanda, okrýgtik sailaý komissiialarynyń múshelerin sailaý jáne bir mandatty okrýg boiynsha sailanǵan máslihat depýtatyn keri qaitaryp alǵan jaǵdaida onyń ókilettigin merziminen buryn toqtatý máseleleri retteledi.
Budan bólek, jergilikti ózin-ózi basqarý organdarynyń internet-resýrstarynda jergilikti qoǵamdastyq jinalysynyń quramy týraly málimetterdi mindetti túrde jariialaýdy engizý usynyldy.
Túzetýler arqyly sailaý ótkizý tártibi de jetildiriledi. Atap aitqanda, kandidattardyń sailaý qorlarynan tys qarjy nemese basqa da materialdyq kómek tartqany úshin jaýapkershiligin belgileý usynyldy. Sonymen qatar onlain-platforma qoldanýshylaryna úgit-nasihat júrgizý, sailaýaldy debattar men qoǵamdyq pikir saýalnamalarynyń nátijelerin jáne sailaý boljamdaryn jariialaý erejelerin buzǵany úshin ákimshilik jaýapkershilik engiziledi.
