Áleýmettik jelide keiingi ýaqytta Azamat Qapenov qyzý talqylanyp jatyr. Ol - memleketke opasyzdyq jáne jemqorlyq isi boiynsha sottalǵan Kárim Másimovtiń burynǵy kúieý balasy, dep habarlaidy dalanews.kz Kozachkov offside arnasyna siltep.
Buǵan deiin Qarjylyq monitoring agenttigi Azamat Qapenovke halyqaralyq izdeý jariialaǵan. Osydan keiin ol áleýmettik jelide belsendi bola bastady. Óz jazbalarynda eshqandai zańsyz áreketke qatysy joǵyn da aityp júr.
Alaida Azamat Qapenovqa birneshe eldiń quqyq qorǵaý organdarynyń saýaly bar. Sybailas jemqorlyqqa qarsy qyzmet ony 2024 jyldan beri alaiaqtyq isi boiynsha izdep keledi. Sonymen qatar, Resei tarapynan da oǵan suraqtar bar ekeni aitylǵan.
Tergeý málimetinshe, áńgime "Qaztemirtrans" kompaniiasyndaǵy milliardtaǵan teńgelik jeńildikterge bailanysty iske qatysty bolyp otyr. Quqyq qorǵaý organdary 2015 jyly kei kompaniialarǵa zańsyz túrde shamamen 5 mlrd teńge kóleminde jeńildik berilgenin teksere bastaǵan. Keiin is toqtatylǵanymen, 2025 jyly Bas prokýratýra bul sheshimdi joiyp, tergeý qaita jandanǵan.
Arna dereginshe, Azamat Qapenov osy jyldary birneshe eldiń azamattyǵyn alǵan. Ol Qazaqstan azamattyǵyn 2001 jyly alǵan, keiin Resei men Qyrǵyzstan azamattyǵyn rásimdegen. Sondai-aq, BAÁ rezidenti mártebesin ielengeni aityldy.
Derekkóz málimetinshe, qazir Azamat Qapenov Qyrǵyzstan aýmaǵynda júr. Buǵan deiin ol BAÁ-den Qazaqstannyń suraýy boiynsha ustalǵanymen, keiin Qyrǵyzstanǵa ketken.
