Májilistiń jalpy otyrysynda Murat Ergeshbaevtyń depýtattyq ókilettigin merziminen buryn toqtatý máselesi qaraldy, dep habarlaidy dalanews.kz.
Ergeshbaev Qyzylorda oblysynyń ákimi qyzmetine taǵaiyndalǵandyqtan, onyń Májilis depýtaty retindegi ókilettigi toqtatyldy. Ol bul qyzmetke 2026 jylǵy 8 mamyrda Memleket basshysynyń jarlyǵymen taǵaiyndalǵan.
Májilis tóraǵasy Erlan Qoshanov depýtattyń palatadaǵy belsendi jumysyna alǵys aityp, jańa qyzmetine sáttilik tiledi.
"Biz alǵashqy kúnderden bastap tyǵyz jumys istedik. Barlyq depýtattyń atynan májilistegi belsendi jumysy úshin alǵysymdy bildiremin. Ótken aptada ol Qyzylorda oblysynyń ákimi bolyp taǵaiyndaldy, bul óte jaýapty qyzmet. Biz oǵan jemisti jumys tileimiz", – dedi májilis tóraǵasy Erlan Qoshanov.
Eske salaiyq, buǵan deiin Prezident Qasym-Jomart Toqaev Murat Ergeshbaevty Qyzylorda oblysynyń ákimi etip taǵaiyndaý týraly jarlyqqa qol qoiǵan edi.
