مەجٸلٸستٸڭ جالپى وتىرىسىندا مۇرات ەرگەشباەۆتىڭ دەپۋتاتتىق ٶكٸلەتتٸگٸن مەرزٸمٸنەن بۇرىن توقتاتۋ مەسەلەسٸ قارالدى, دەپ حابارلايدى dalanews.kz.
ەرگەشباەۆ قىزىلوردا وبلىسىنىڭ ەكٸمٸ قىزمەتٸنە تاعايىندالعاندىقتان, ونىڭ مەجٸلٸس دەپۋتاتى رەتٸندەگٸ ٶكٸلەتتٸگٸ توقتاتىلدى. ول بۇل قىزمەتكە 2026 جىلعى 8 مامىردا مەملەكەت باسشىسىنىڭ جارلىعىمەن تاعايىندالعان.
مەجٸلٸس تٶراعاسى ەرلان قوشانوۆ دەپۋتاتتىڭ پالاتاداعى بەلسەندٸ جۇمىسىنا العىس ايتىپ, جاڭا قىزمەتٸنە سەتتٸلٸك تٸلەدٸ.
"بٸز العاشقى كٷندەردەن باستاپ تىعىز جۇمىس ٸستەدٸك. بارلىق دەپۋتاتتىڭ اتىنان مەجٸلٸستەگٸ بەلسەندٸ جۇمىسى ٷشٸن العىسىمدى بٸلدٸرەمٸن. ٶتكەن اپتادا ول قىزىلوردا وبلىسىنىڭ ەكٸمٸ بولىپ تاعايىندالدى, بۇل ٶتە جاۋاپتى قىزمەت. بٸز وعان جەمٸستٸ جۇمىس تٸلەيمٸز", – دەدٸ مەجٸلٸس تٶراعاسى ەرلان قوشانوۆ.
ەسكە سالايىق, بۇعان دەيٸن پرەزيدەنت قاسىم-جومارت توقاەۆ مۇرات ەرگەشباەۆتى قىزىلوردا وبلىسىنىڭ ەكٸمٸ ەتٸپ تاعايىنداۋ تۋرالى جارلىققا قول قويعان ەدٸ.
