پۋتين ۋكراياناعا قارسى ەسكەري وپەراتسيياسىن (سوعىس) باستاعاندا تينكوۆ وعان قارسى ويىن ايتىپ, ەڭ سوڭىندا قۇنى ونداعان ميلليارد دوللار تۇراتىن «تينكوۆ» دەپ اتالاتىن بانكٸنەن ايىرىلعانىن بٸلەمٸز.
سول تينكوۆتىڭ سوڭعى ۋاقىتتارى كٶرمەگەنٸ جوق. ول اققان اۋرۋىنا شالدىعىپ, ٶلٸم اۋزىنان قالعان بولاتىن.
وليگارح بەلگٸلٸ بلوگەر يۋريي دۋدكە بەرگەن سۇحباتىندا نەمٸس دەرٸگەرٸنٸڭ الدىندا ەسكٸ ەدەتٸنە باسىپ, ىڭعايسىز جاعدايعا قالعانىن ايتىپ بەردٸ.
– مەن اققان اۋرۋىنا شالدىققاننان كەيٸن گەرمانييا استاناسى بەرليندەگٸ حەليوس دەپ اتالاتىن كلينيكادا ەم قابىلداپ, وتا جاساتىپ, بٸلٸكتٸ نەمٸس دەرٸگەرلەرٸنٸڭ ارقاسىندا امان قالدىم, – دەيدٸ تينكوۆ.
وليگارح ەم الىپ جاتقاندا, ٶزٸمەن قاتار جاتقان پالاتادا لەيكەمييا, ياعني, اققان اۋرۋىنا شالدىققان قاراپايىم نەمٸس باعبانى دا ەم الىپ جاتقانىن بٸلەدٸ.
ميللياردتاعان دوللارى بار بايشىكەش باعبانمەن قاتار ەم الىپ جاتقانىن بٸلگەندە كٶڭٸلٸنە كٷمەن ۇيالايدى عوي. وسىلاي ويعا باتقان وليگارح ٶزٸنە قاراپ جٷرگەن پروفەسسور پالاتاسىنا باس سۇعىپ, كەزەكتٸ ەم-دومىن جاساي باستاعاندا ول دەرٸگەردٸڭ بٸلەگٸنەن شاپ بەرٸپ ۇستاپ, ٶزٸنٸڭ وليگارح ەكەنٸن ايتىپ, دەرتٸنەن قۇلان-تازا ايىعۋ ٷشٸن اقشانى ايامايتىنىن ايتادى عوي سابازىڭ. سول كەزدە نەمٸس دەرٸگەر:
– تينكوۆ مىرزا, مەن سٸزدٸڭ كٸم ەكەنٸڭٸزدٸ جاقسى بٸلەمٸن. راس, كٶرشٸلەس پالاتادا نەمٸستٸڭ قاراپايىم باعبانى دەل سٸزدٸڭ دياگنوزىڭىزبەن ەم الىپ جاتىر. بٸراق بٸز ٷشٸن بۇل سٸزدٸڭ كٶكەيٸڭٸزگە كٷمەن ۇيالاتاتىن دٷنيە ەمەس.
تٷسٸنەمٸن, سٸزدەردٸڭ ەلدە اقشانى كٶپ تٶلەگەن اداماعا جاقسى مەديتسينالىق قىزمەت كٶرسەتٸلەدٸ. بٸزدە باسقاشا, كٶرشٸ پالاتادا جاتقان باعبان نەمٸس ازاماتى بولعاندىقتان ونىڭ بارلىق ەم-دومىنا كەتەتٸن شىعىندى مەملەكەت تٶلەيدٸ. ال سٸز گەرمانييا ازاماتى بولماعاندىقتان ەمحانا كٶرسەتكەن مٶلشەردەگٸ اقىنى تٶلەپ, ەم الۋداسىز.
سٸزدٸڭ اقشالى ادام ەكەنٸڭٸزدٸ بٸلەمٸز. بٸراق بٸزدەر مۇنى پايدالانىپ, سٸزدەن بٸر تيىندا ارتىق اقى المايمىز. سودان كەيٸن لەيكەمييا اۋرۋىن ەمدەۋ بويىنشا مەديتسينا عىلىمنىڭ ەڭ سوڭعى جەتٸستٸكتەرٸ بويىنشا ەم الاتىنىڭىزعا كٷمەنٸڭٸز بولماسىن! دەل سٸزگە كٶرسەتكەن ەم-شارالارلاردى كٶرشٸ پالاتادا جاتقان قاراپايىم باعبانعا دا كٶرسەتەمٸز. بٸز ادامداردى الالاپ, ەمەدەمەيمٸز. ٶمٸرٸڭٸزدٸ ساقتاپ قالۋ ٷشٸن قولدان كەلگەن شارانىڭ بەرٸن ٸستەيمٸز. بۇل جەردە سٸزدٸڭ ٶمٸرٸڭٸزدٸ اقشا اراشالاپ قالمايدى, – دەگەن دە ورىس وليگارحىنىڭ بەتٸ نارتتاي بولىپ قىزارىپ كەتكەن عوي.
ەنە دامىعان ەل... پوستكەڭەستٸك ەلدەردە از كٷندە بايىپ كەتكەن وليگارحتار بەرٸن اقشاعا ساتىپ الۋعا بولادى دەپ ويلايدى. دامىعان ەلدەردە بەرٸ كەرٸسٸنشە. باتىس ەلدەرٸندە بٸرٸنشٸ ورىندا اقشا ەمەس, ادام تۇرادى. اداماعا دەگەن قۇرمەت كٷشتٸ. قاراپايىم باعباننىڭ ٶمٸرٸ ٷشٸن مەملەكەت قانداي شىعىنعا بولسا دا دايىن. ال بٸزدە شە?
