Marqum Sherzattyń ákesi Qarjaýbai Nurymov bet-álpetindegi jaraqatqa bailanysty jeldei esip jatqan alyp-qashpa áńgimeniń núktesin qoidy, dep habarlaidy Dalanews.kz.
Jurt Nurymovtyń áleýmettik jelidegi video-sýretterinen kóziniń kógerip, murnynyń qisaiǵanyn baiqap, alańdaýshylyq tanytqan edi. Alaida kúni keshe jábirlenýshiniń qaryndasy Perizat Nurmanova janjal ýaqytynda aǵasynyń kózine bótelke tigenin, al muryny oqiǵaǵa deiin qisaiǵanyn atap ótti. Marqum Sherzattyń ákesi de qaryndasynyń sózin qostap otyr.
“Qurmetti qazaq eli, betimniń kógerýi qaiǵyly oqiǵamen tikelei bailanysty. Dúkende bolǵan tóbeles kezinde balamdy arashalap júrgende birneshe soqqy tigen edi. Sol ýaqytta murnym men kózimnen jaraqat aldym. Qazir basyldy. Muz qoiyp, isigin bastym”, - deidi ol.
Sonymen qatar #Sherzatúshin instagram paraqshasy alańdap jatqan barsha oqyrmanǵa alǵys aita otyryp, jańsaq pikirge ermeýge shaqyrdy.
“Búkil otbasy qazir kúzette jáne olarǵa qajetti qoldaý kórsetilip jatyr. Biz olardy qorǵaýǵa tyrysamyz”, - deidi paraqsha ákimshisi.
Derekkóz málimetinshe, betke jasalǵan kez kelgen soqqydan keiin isik paida bolady.
“Birinshiden, salystyrmaly túrde taraǵan eki sýret ártúrli jaryqta, buryshta jáne ártúrli ýaqyt aralyǵynda túsirilgen. Bettegi kógerýlerdiń paida bolý ýaqyty soqqynyń kúshine, tamyrlardyń qurylysyna, adamnyń jasy men jalpy teri kúiine bailanysty. Sol sebepti arnaiy sarapshylar bar. Olar jaraqattardyń bar nemese joq ekenin anyqtap zertteidi”, - dep qosty derekkóz.
Osy tusta olar artyq dúrbeleńge salynbai, senimdi aqparat kózderine nazar aýdarýdy surady.
“Keibir adamdardyń shyǵarǵan jalǵan aqparaty qoǵamdy shatastyrýda. Senimdi ári tekserilgen derekkózderge seneiik. Qazirgi kezde arnaiy top pen otbasy músheleri tergeý jumystarymen ainalysyp, kýálik berip jatyr. Ýaqyty kelgende mindetti túrde qajet aqparattardy bólisip otyramyz. Qoldaýlaryńyz ben qamqorlyqtaryńyz úshin kóp raqmet!”, - dep qorytyndylady paraqsha.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
Al 15 qazanda Ishki ister vitse-ministri taǵy úsh kúdiktini ustaǵanyn málim etti.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
