«Sarybala, sen jazýshy bolamyn dep júrsiń ǵoi. Sol bolashaq tirligińe demeý bolar úsh taraý aqylymdy aitaiyn. Qabyl alsań, qapy qalmassyń.
Araqty áý basta em-dom úshin shyǵarǵan. Azdap ishseń — dárý, kóp ishseń — ý. Jónimen tata bilseń, artyqtyq etpeidi ol. Al qatań eskerterim, temekige jolama! Adam aǵzasyn arylmas dertke ushyratatyn kesirli keseldiń eń ziiandysy. Bul bir.
Jazýshynyń óte bir baǵa jetpes qundysy — ýaqyty. Osy qundynyń asa qas jaýy — karta deitin azarty mol oiyn. Ol nemeń — ýaqytyńdy urlaýmen qosa dostaryńnan ajyratatyn zándeminiń ózi. Óitkeni, utylsań — aqsha bolmai, bere almaýyń múmkin. Utsań — qolma qol ala almai, aralaryń sýysyp ketýi ǵajap emes. Sondyqtan kartadan aýlaq bol.
Úshinshiden, bizdiń jasaǵan qatelikterimizdi qaitalamańdar. Joǵary oqý oryndarynda oqyp júrgenimizde qazaq qyzdary ortalaý mektepti de bitirmeitin edi. Sodan ba "teń teńimen" degenge áýlekilenip, "qolymyz jetkenimiz" orys qyzyna, odan keiingilerimiz tatarǵa, basqa ult boijetkenderine úilendik. Ulttyń ult bop uiytylýy besikten bastalaryna mán bermeppiz. Al ulttyń ulylyǵyn saqtaý úshin óz jurtyńnyń arýymen bas qosýdyń asa qajettigin kesh sezip, san soǵyp júrmiz. Sender elden alysta júrsińder. Búginde qazaǵyńnyń oqyǵan qarakózderi jetkilikti. Bizdiń qateligimizdi túzetýge tyrysyńdar.
Solai, Sofy balam. Keńesime qulap túspese de, qulaq asar urpaq bolsa deitin tilegimniń bir parasy osy.
Máskeý, 1961 jyl
