Muqaǵali Maqataevtiń ózin aiaqtan shalýshylarǵa aitqan jaýaby
Joq! Meniń dostarym joq. Men tek ainalamnan ózime qarai jyljyp kele jatqan segiz aiaqty sumdyqtardy ǵana kórem. Qorǵana alamyn ba, bilmeimin.
Meni budan tek qana bir keremet qutqara alady. Al men keremetke qatty senemin. Keremetter bolýǵa tiis!!!
Qazirshe meni qarýsyz qaldyrǵylary keledi. Dushpandarym toqtaýsyz shabýyldaýda. Olar meni qurtyp jiberýge de daiyn.
Eger bireý qolyna myltyq berip, at dese qaisysy bolsa da qoly qaltyramastan búkil adamzatty súigen, eshkimge ziiany timegen meni sol zamatta-aq atyp jiberýge ázir.
Meniń belgisiz dosym! Sen maǵan: óz semiań, óz úiiń, óz oshaǵyń bar, taǵy saǵan ne jetpeidi dersiń?! Joq, olai emes.
Mende otbasy, ata-ana, týys joq... Onda nemenege ómir súrip, otasyńnyń qamyn jep, piri bolýǵa tyrysyp óleń jazyp, kitap shyǵaryp júrsiń dersiń.
Jaýap bereiin – balalarym úshin, óz tamshy qanym úshin. Qalai bolǵanda da olar meniń ómirimniń jalǵasy ǵoi. Keide olar da – meniń sol kishkene jyrtqyshtarym da, maǵan óz tyrnaqtaryn kórsetip qoiady. Kez kelgen ýaqytta meniń janymdy aýyrtýǵa, qatty jaraqattaýǵa olar da daiar...
Olar meni solai qabyldaidy, solai tanidy.
Meniń ishimde áldene ólgen, ony endi qaita tiriltý múmkin emes... Báribir sońǵy sózdi aitam. Qalai bolǵanda da aqyrǵy ánimdi aityp bitýge tiispin ǵoi.
...Oilańdar, dostar!
Ónerde «jarys» bolmaidy!
Óresi jetpei,
Kúndestik qylǵan ońbaidy.
Óneriń jetip,
Óse almai qalsań, sol qaiǵy...
Kúnde talasqan
Óneriń óner bolmaidy!!!
Muqaǵali Maqataevtiń kúndeliginen úzindi
21 qyrkúiek, 1974 jyl
