Juma kúngi birjada dollar quny 382,22 teńge bolǵan, al Ulttyq banktiń 9 naýryzǵa belgilegen resmi baǵamy – 382,05 teńge.
Dúisenbide Resei rýbli de 2016 jylǵy rekordtyq deńgeiine túsip, bir dollar 72,72 rýbl boldy. Ashyq saýdadaǵy altyn baǵasy da 20 paiyzǵa túsip ketti.
Ótken aptanyń sońynda Venada OPEK, Saýd Arabiiasy jáne Resei munai baǵasyn ustap turý úshin óndiristi azaitýǵa qatysty kelissóz júrgizgen. Biraq Venadaǵy jiynda taraptar kelise almady. Kreml OPEK usynysyn qoldamady. Odan soń Saýd Arabiiasy «baǵa soǵysyn» bastap, ózi óndiretin munaiǵa jeńildik jariialady.
9 naýryzda Brent markaly munai barreline 36 dollardan satylyp jatyr. 2014 jylǵy saýda soǵysy kezinde bul brend baǵasy 30 dollarǵa deiin quldyraǵan.
