Álemdik naryqta munai baǵasy qaitadan barreline 100 dollarlyq psihologiialyq mejege jetti. Baǵanyń kúrt ósýi Taiaý Shyǵystaǵy qaqtyǵystyń ýshyǵýy jáne Ormýz buǵazy arqyly munai jetkizilimi úzilýi múmkin degen qaýip aiasynda oryn aldy, dep habarlaidy Dalanews.kz.
Munai naryǵy sońǵy jyldardaǵy eń jyldam ósimderdiń birin bastan ótkerip jatyr. Sońǵy bir aptada Brent markaly munaidyń baǵasy 17,5%-ǵa qymbattady.
Bir ai ishinde ósim 49%, al úsh aida 64,4% boldy.
2026 jylǵy 9 naýryzda kópjyldyq rekord jańardy: Londondaǵy ICE birjasynda Brent munaiynyń fiýchersteri bir barrel úshin shamamen 116,6 dollarǵa deiin kóterildi.
Sońǵy ret mundai deńgei 2022 jyldyń jazynda tirkelgen edi.
