12 qańtarda álemdik munai naryǵynda baǵa keiingi jeti aptadaǵy eń joǵary deńgeige jetti. Buǵan Iranǵa qatysty sanktsiialardyń qatańdaýy jáne el ishindegi turaqsyzdyq saldarynan eksport kólemi qysqarýy múmkin degen qaýip áser etken, dep habarlaidy Dalanews.kz.
Reuters usynǵan málimetke sáikes, saýda qorytyndysy boiynsha Brent markaly munaidyń bir barreli 63,87 dollarǵa, al WTI 59,5 dollarǵa deiin qymbattady. Venesýeladan munai jetkizilimi artýy múmkin degen boljam baǵanyń kúrt ósýin tejedi. Alaida investorlar Resei men basqa da iri eksporttaýshy elderge qatysty geosaiasi táýekelderdi áli de eskerip otyr.
Goldman Sachs boljamynsha, munai óndirý kóleminiń ósýi baǵaǵa qysym túsirýi múmkin. Soǵan qaramastan, álemdegi geosaiasi jaǵdaidyń ýshyǵýy naryqtaǵy turaqsyzdyqty kúsheite túsedi.
