– Aýdandar men aýyldardy aralaý barysynda turǵyndardyń ótinishteri men shaǵymdarynyń 50 paiyzy infraqurylym máselesine qatysty ekenin kórdim.
Sondyqtan osy baǵytta jumysty júielep, naqty josparmen is atqarý kerek. Infrurylym, gaz, káriz júiesi, elektr máseleleri boiynsha turaqty túrde májilis ótkizip turamyz. Barlyq jumys baqylaýda bolady.
Ekinshiden, investitsiialyq shtab qurý jóninde tapsyrma berdim. Bul shtabtyń da otyrysy turaqty ótip, jańa jobalarǵa qoldaý kórsetý, investitsiia tartý jumystary kúsheitilsin. Durys jaǵdai jasalyp, jumys júrgizilmese, eshqandai investor kelmeidi.
Aýdandardy aýyl sharýashylyǵy salasy boiynsha mamandandyrý, ár aimaqta jetekshi baǵyttardy aiqyndaý jóninde de tapsyrma berildi. Úkimetten aýyl sharýashylyǵy boiynsha óńirge mol qarjy, sýbsidiia bólinedi. Ortalyqtan Túrkistan oblysyna elimizdi aýyl sharýashylyǵy ónimderimen qamtamasyz etý mindeti júktelip otyr. Osy baǵytta jumysty kúsheitip, jobalar tabýdy tapsyrdym.
Májiliste týrizm salasyn jandandyrý, mádeniet salasy boiynsha aýqymdy jobalardy qolǵa alý, mádeni ǵimarattarǵa «jan bitirip», týrister shoǵyryn arttyrý máseleleri de talqylandy.
Sonymen qatar jumyspen qamtý salasyna jaýapty basshylarǵa memlekettik granttardy júielep, naqty óndiris kólemin arttyratyn jobalarǵa baǵyttaý jóninde tapsyrma berildi. Aýyl sharýashylyǵyna memleket tarapynan beriletin sýbsidiialar men jeńildetilgen nesielerdi tiimdi paidalanyp, jumys oryndaryn kóbeitý, elimizdiń azyq-túlik qaýipsizdigin nyǵaitý, jobalardy tiianaqty josparlaý boiynsha da tapsyrmalar hattamaǵa engizildi.
Oblysta jylyjailar sanyn arttyrý úshin birneshe aýdannan jer telimderi bólinedi. Kómir máselesi de jolǵa qoiylyp, júielenedi.
Osy jáne ózge de túitkilderge toqtalǵan óńir basshysy jumysty tiianaqty josparlaý, kúrdeli máselelerdiń aldyn alý sharalaryn kúsheitý jóninde de tapsyrma berdi.
