İrilengen Maqtaaral aýdanynyń tusynda ortalyqtan jáne toǵyz joldyń torabynan shet qalýy – Myrzakent kentiniń damýyn tejegen. Búgingi tańda jańa aýdannyń ortalyǵy bolǵan kentti damytýdyń keshendi jospary ázirlený ústinde. Jospar boıynsha Dostyq kanalyndaǵy úlken kópir jóndelip, kanaldyń jaǵalaýy jańa keıipke enetin bolady. Jańaqurylys aýmaǵyna qosymsha transformatorlar, elektr jelilerin ornatý jáne kent aýmaǵyndaǵy transformatorlar men elektr jelilerin kúrdeli jóndeýden ótkizý josparlanýda. Amangeldi, Jambyl, T.Madıhodjaev kóshelerine taza aýyz sý júıeleri júrgiziledi. Sonymen qatar, kenttiń ishki kóshelerin asfáltteý, jaryqtandyrý jumystary burynǵyǵa qaraǵanda 2 ese artatyn bolady. Bul týraly Myrzakent kentiniń turǵyndarymen bolǵan kezdesýinde aýdan ákimi B.Asanov málimdedi.
Kent aýmaǵynyń ortalyǵyna káriz júıesin júrgizý de qarastyrylýda. Sonjaı-aq, Beıbitshilik pen Iassaıı kósheleriniń boıyna aǵyn sý jetkizý úshin lotok ornatylatyn bolady. 14547 turǵyny bar Myrzakentte kóp qabatty úılerdi kóptep salý da keshendi josparǵa engen.
Qazirgi tańda kentte 1 kooperatıv, 11 JSHS, 36 dúken, 15 kafe, 4 toıhana, 2 bazar ǵana bar. Aýdan ortalyǵynda kásipkerlikti damytý úshin syrtqy jáne ishki ınvestısıany tartý kózdelýde. Ol úshin aýdan boıynsha beldi kásipkerlerdiń basyn qosyp, jıyn ótkizetinin óńir basshysy atap ótti.
Munan soń aýdan ákimi B.Asanov turǵyndarynyń sany 20 myńǵa taıap qalǵan Atakent kentiniń máseleleli nysandarymen tanysty. Jańadan asfált tóselgen kóshelerdi aralap kórip, kúrdeli jóndeýdi qajet etetin mektepterge bardy. Sondaı-aq, atakenttiktermen de arnaıy jıyn ótkizip, turǵyndardy mazalap júrgen suraqtarǵa jaýap berdi.
Atakent kentindegi eń ózekti degen aýyz sý máselelsin sheshý úshin APZ jáne JSQ qujattary daıyndalyp, kelesi jyly qurylysy bastalǵaly tur. Buǵan deıin kentte 3-4 kóshege ǵana asfált tóselse, kelesi jyldan bastap 6-7 kóshege deıin asfált tóseletin bolady. Sol sıaqty ishki kóshelerge jaryqsham ornatý, aıaqjol salý jumystary da 2 ese artady. Sondaı-aq, aýdan ákimi turǵyndar sany kúrt ósip kele jatqan kentte 1200 oryndyq mektep salý úshin jer qarastyrylyp jatqandyǵyn jetkizdi.
«Biz Myrzakent pen Atakentti qatar damytatyn bolamyz. Ol úshin joba-josparlarymyz bar. Bir kezderi ataǵy Máskeýge jetip, qanshama jyldar boıy ekonomıkalyq kórsetkishteri boıynsha oq boıy ozyp turǵan Maqtaaraldy qaıtadan jasaqtaıtyn bolamyz» - dedi Baqyt Násirhanuly.
Maqtaaral aýdany ákiminiń baspasóz qyzmeti
