بۇگىن ماقتاارال اۋدانىنىڭ اكىمى باقىت اسانوۆ اۋدان ورتالىعى مىرزاكەنت كەنتى مەن اتاكەنت كەنتىندەگى وزەكتى ماسەلەلەرمەن تانىسۋ ءۇشىن تۇرعىندارمەن ارنايى كەزدەستى. ەڭ الدىمەن ءوڭىر باسشىسى مىرزاكەنت كەنتىنىڭ ماسەلەلى نىساندارىن ارالاپ كورىپ، ورتالىقتىڭ تۇرعىندارىمەن جيىن وتكىزدى. 

ىرىلەنگەن ماقتاارال اۋدانىنىڭ تۇسىندا ورتالىقتان جانە توعىز جولدىڭ تورابىنان شەت قالۋى – مىرزاكەنت كەنتىنىڭ دامۋىن تەجەگەن. بۇگىنگى تاڭدا جاڭا اۋداننىڭ ورتالىعى بولعان كەنتتى دامىتۋدىڭ كەشەندى جوسپارى ازىرلەنۋ ۇستىندە. جوسپار بويىنشا دوستىق كانالىنداعى ۇلكەن كوپىر جوندەلىپ، كانالدىڭ جاعالاۋى جاڭا كەيىپكە ەنەتىن بولادى. جاڭاقۇرىلىس اۋماعىنا قوسىمشا ترانسفورماتورلار، ەلەكتر جەلىلەرىن  ورناتۋ جانە كەنت اۋماعىنداعى ترانسفورماتورلار مەن ەلەكتر جەلىلەرىن كۇردەلى جوندەۋدەن وتكىزۋ جوسپارلانۋدا. امانگەلدى، جامبىل، ت.ماديحودجايەۆ كوشەلەرىنە تازا اۋىز سۋ جۇيەلەرى جۇرگىزىلەدى. سونىمەن قاتار، كەنتتىڭ ىشكى كوشەلەرىن اسفالتتەۋ، جارىقتاندىرۋ جۇمىستارى بۇرىنعىعا قاراعاندا 2 ەسە ارتاتىن بولادى. بۇل تۋرالى مىرزاكەنت كەنتىنىڭ تۇرعىندارىمەن بولعان كەزدەسۋىندە اۋدان اكىمى ب.اسانوۆ مالىمدەدى.

كەنت اۋماعىنىڭ ورتالىعىنا كارىز جۇيەسىن جۇرگىزۋ دە قاراستىرىلۋدا. سونجاي-اق، بەيبىتشىلىك پەن ياسسايي كوشەلەرىنىڭ بويىنا اعىن سۋ جەتكىزۋ ءۇشىن لوتوك ورناتىلاتىن بولادى. 14547 تۇرعىنى بار مىرزاكەنتتە كوپ قاباتتى ۇيلەردى كوپتەپ سالۋ دا كەشەندى جوسپارعا ەنگەن.

قازىرگى تاڭدا كەنتتە 1 كووپەراتيۆ، 11 ج ش س، 36 دۇكەن، 15 كافە، 4 تويحانا، 2 بازار عانا بار. اۋدان ورتالىعىندا كاسىپكەرلىكتى دامىتۋ ءۇشىن سىرتقى جانە ىشكى ينۆەستيسيانى تارتۋ كوزدەلۋدە. ول ءۇشىن اۋدان بويىنشا بەلدى كاسىپكەرلەردىڭ باسىن قوسىپ، جيىن وتكىزەتىنىن ءوڭىر باسشىسى اتاپ ءوتتى.

مۇنان سوڭ اۋدان اكىمى ب.اسانوۆ تۇرعىندارىنىڭ سانى 20 مىڭعا تاياپ قالعان اتاكەنت كەنتىنىڭ ماسەلەلەلى نىساندارىمەن تانىستى. جاڭادان اسفالت توسەلگەن كوشەلەردى ارالاپ كورىپ، كۇردەلى جوندەۋدى قاجەت ەتەتىن مەكتەپتەرگە باردى. سونداي-اق، اتاكەنتتىكتەرمەن دە ارنايى جيىن وتكىزىپ، تۇرعىنداردى مازالاپ جۇرگەن سۇراقتارعا جاۋاپ بەردى.

اتاكەنت كەنتىندەگى ەڭ وزەكتى دەگەن اۋىز سۋ ماسەلەلسىن شەشۋ ءۇشىن اپز جانە جسق قۇجاتتارى دايىندالىپ، كەلەسى جىلى قۇرىلىسى باستالعالى تۇر. بۇعان دەيىن كەنتتە 3-4 كوشەگە عانا اسفالت توسەلسە، كەلەسى جىلدان باستاپ 6-7 كوشەگە دەيىن اسفالت توسەلەتىن بولادى. سول سياقتى ىشكى كوشەلەرگە جارىقشام ورناتۋ، اياقجول سالۋ جۇمىستارى دا 2 ەسە ارتادى. سونداي-اق، اۋدان اكىمى تۇرعىندار سانى كۇرت ءوسىپ كەلە جاتقان كەنتتە 1200 ورىندىق مەكتەپ سالۋ ءۇشىن جەر قاراستىرىلىپ جاتقاندىعىن جەتكىزدى.

«ءبىز مىرزاكەنت پەن اتاكەنتتى قاتار دامىتاتىن بولامىز. ول ءۇشىن جوبا-جوسپارلارىمىز بار. ءبىر كەزدەرى اتاعى ماسكەۋگە جەتىپ، قانشاما جىلدار بويى ەكونوميكالىق كورسەتكىشتەرى بويىنشا وق بويى وزىپ تۇرعان ماقتاارالدى قايتادان جاساقتايتىن بولامىز» - دەدى باقىت ءناسىرحان ۇلى.

 

ماقتاارال اۋدانى اكىمىنىڭ باسپا ءسوز قىزمەتى