Májilis depýtaty Ardaq Nazarov Sherzat Bolattyń ólimine qatysty jáne Hasan Qasymbaev týraly pikir bildirdi, - dep habarlaidy Dalanews.kz Ulysmedia.kz-ke siltep.
Ardaq Nazarovtyń sózinshe, ol Talǵarda qandy oqiǵa bolǵannan keiin aimaqqa eshkimniń tapsyrmasynsyz barǵan. "Nelikten mobilograf ertip bardyńyz?" degen suraqqa "men mobilograf ertip barǵan joqpyn, janymda bir sportshy jigit boldy" dep jaýap berdi.
– Talǵarǵa barǵanda qandai sharýa bitirdińiz? Ol jerde IIM “Hasan bastaǵan qylmystyq top joq” dep jatyr. Soǵan senesiz be?
– Men sportshymyn. Men sózdiń emes, istiń adamymyn. Úsh márte álem chempiony, eki márte Eýraziia chempiony boldym. Ispen kórsetken adammyn. Myna jerde de keibir kóptegen nárseni jelige qazir salmaityn boldym. Kóp is istelip jatyr. LGBT-men, lýdomaniiamen kúresip jatyrmyn. Talǵarǵa barǵannan keiin Almaty oblysy ákimdigimen, Ishki ister departamentimen, IIM-men, UQK-men, prokýratýramen habarlasyp, “mynanyń túbi qalai bolady? Nege sender toptardy quryqtamaisyńdar? Aiaǵy qalai bolady?” degen kezde olardyń aitqan jaýaby: “qurmetti, Ardaq Quttyqojauly nemese Ardaq baýyrym zertteý jumystary júrgizilip jatyr” dedi. Bárimiz basynda belgili bir topty kináladyq. Kesheden bastap basqa aqparattar shyǵa bastady. Dúkendi kórip jatyrsyńdar degen siiaqty. Sondyqtan, kóptegen neler (?) shyǵýy múmkin. Sondyqtan, bári zertteidi. Tolyqqandy nesin (?) shyǵarǵannan keiin baryp, sizder de biz de habardar bolamyz.
– “Hasan OPG joq” degenge senesiz be?
– Myqty OPG bolsa aty shyqqan jigitter bolsa, estitin edik qoi. Qazaqstanda aty shyqqandardy bárimiz bilemiz. Toqsanynshy jyldary Sary Almas bolsyn, Qara Almas bolsyn, Atabany bilem. Sondyqtan onyń bári áleýmettik jeliniń kesirinen “banditter bolǵan sondai” degen siiaqty múmkin solarǵa tiip jatqan bolýy múmkin. Kóshede qazir kim tóbelespei jatyr?
– Hasanmen jeke tanyssyz ba?
– Tanymaimyn. Aty shyqqan óte myqty OPG bolsa, biz estitin edik qoi. Osy jelige shyqqan Sherzattyń óliminen keiin bári Hasanǵa tańyp jatyr. OPG-sy degen siiaqty. Sondyqtan, quziretti organdar bárin zerttep kórý kerek.
– Talǵarǵa barǵan kezde sizdi kóp synap, ashyq jazdy. Siz solardyń bárin oqyp otyrsyz ba? Ne dep jaýap beresiz?
– Mysaly men oqymaimyn. Basymdy qatyryp qaitem. Tipti bizdiń Paiǵambardyń ózin jyndy degen. Isa paiǵambardy óltirmekshi bolǵan. Abaidyń ózin qan jylatqan qazaqpyz. Onyń janynda biz kimbiz? Shákárimdi qudyqqa tastaǵan kezde Ardaq Nazarovqa syn aitý – men oǵan qýanamyn. Depýtat bolǵanǵa deiin syndy ár jerden estitinbiz. Ol kezde meniń januiama, sportzalyma jaýap beretinmin. Keibir jastarǵa jasap beretinmin. Al qazir halyqtyń jaýapkershiligi tur ǵoi. Sondyqtan, 20 mln adam bar ma – sonsha pikir bar. “Men ondai emespin, men osyndaimyn, men jaqsy nietpen bardym, azamattyq paryzym bar ǵoi, qasymda mobilograf bolǵan joq” dep aqtalmaimyn ǵoi. Sondyqtan men ózimniń isimdi bilem.
– Nege onda jazylýshylardy bloktaisyz?
– Kimdi?
– Mysaly Gúlbaný Ántiiatqyzyn…
– Ol qyz jaily eshteńe aitpaimyn. Mysaly mynandai: sizderge aitarym bir-aq nárse. Eń úlken qymbat nárse – jer, el, ata-ana qymbat. Adamnyń ar-namysy qymbat. Meniń ar-namysymdy taptaǵan jazýshylarǵa meniń eshqandai renishim joq. Árkimniń óziniń sanasy bar. Biraq erteń bireýdiń qarǵysy bolady, bireýdiń sózi bolady. Bireýdi mysaly qaralap kórsetesiz, biraq ol ondai adam emes. Ol sizge renjýi múmkin. Sizge jaman sóz aitýy múmkin. Sol sizdiń urpaǵyńyzǵa tiedi. Sodan sizderdi saqtandyrǵym keledi. Óitkeni jaqsy nárseni nasihattaý kerek. Bireýdiń ar-namysyna tiiýge bolmaidy. Adamgershilikten attaýǵa bolmaidy. Men jýrnalisterge QazUÝ-de talai sabaq berdim. Jaqsylyqty nasihattańyzdar dedim. Sizderge de aitarym sol! Durys nárseni berińizder, bólisińizder.
– Sizdi Áliia Nazarbaevanyń oqqaǵary deidi. Sony rastai alasyz ba?
– Men Áliiany eshqashan kórgen emespin. Men ol otbasynan eshkimdi… Tipti prezidenttiń ózimen kezdesken adam emespin. Áliianyń atyn estigenim bolmasa, men eshqashan oqqaǵar bolmaǵanmyn. Men 10 jyl kásibi sportshy bolǵanmyn. Sportzalda, shetelderde bolǵanmyn. Sol kezde bir aqparattar jazylǵan. Men suhbattarymda ol kisilerdi bilmeitinimdi aitqanmyn.
