ءماجىلىس دەپۋتاتى ارداق نازاروۆ شەرزات بولاتتىڭ ولىمىنە قاتىستى جانە حاسان قاسىمبايەۆ تۋرالى پىكىر ءبىلدىردى، - دەپ حابارلايدى Dalanews.kz Ulysmedia.kz-كە سىلتەپ.
ارداق نازاروۆتىڭ سوزىنشە، ول تالعاردا قاندى وقيعا بولعاننان كەيىن ايماققا ەشكىمنىڭ تاپسىرماسىنسىز بارعان. "نەلىكتەن موبيلوگراف ەرتىپ باردىڭىز؟" دەگەن سۇراققا "مەن موبيلوگراف ەرتىپ بارعان جوقپىن، جانىمدا ءبىر سپورتشى جىگىت بولدى" دەپ جاۋاپ بەردى.
– تالعارعا بارعاندا قانداي شارۋا ءبىتىردىڭىز؟ ول جەردە ءىىم “حاسان باستاعان قىلمىستىق توپ جوق” دەپ جاتىر. سوعان سەنەسىز بە؟
– مەن سپورتشىمىن. مەن ءسوزدىڭ ەمەس، ءىستىڭ ادامىمىن. ءۇش مارتە الەم چەمپيونى، ەكى مارتە ەۋرازيا چەمپيونى بولدىم. ىسپەن كورسەتكەن اداممىن. مىنا جەردە دە كەيبىر كوپتەگەن نارسەنى جەلىگە ءقازىر سالمايتىن بولدىم. كوپ ءىس ىستەلىپ جاتىر. لگبت-مەن، لۋدومانيامەن كۇرەسىپ جاتىرمىن. تالعارعا بارعاننان كەيىن الماتى وبلىسى اكىمدىگىمەن، ىشكى ىستەر دەپارتامەنتىمەن، ىىم-مەن، ۇقك-مەن، پروكۋراتۋرامەن حابارلاسىپ، “مىنانىڭ ءتۇبى قالاي بولادى؟ نەگە سەندەر توپتاردى قۇرىقتامايسىڭدار؟ اياعى قالاي بولادى؟” دەگەن كەزدە ولاردىڭ ايتقان جاۋابى: “قۇرمەتتى، ارداق قۇتتىقوجا ۇلى نەمەسە ارداق باۋىرىم زەرتتەۋ جۇمىستارى جۇرگىزىلىپ جاتىر” دەدى. ءبارىمىز باسىندا بەلگىلى ءبىر توپتى كىنالادىق. كەشەدەن باستاپ باسقا اقپاراتتار شىعا باستادى. دۇكەندى كورىپ جاتىرسىڭدار دەگەن سياقتى. سوندىقتان، كوپتەگەن نەلەر (؟) شىعۋى مۇمكىن. سوندىقتان، ءبارى زەرتتەيدى. تولىققاندى نەسىن (؟) شىعارعاننان كەيىن بارىپ، سىزدەر دە ءبىز دە حاباردار بولامىز.
– “حاسان وپگ جوق” دەگەنگە سەنەسىز بە؟
– مىقتى وپگ بولسا اتى شىققان جىگىتتەر بولسا، ەستيتىن ەدىك قوي. قازاقستاندا اتى شىققانداردى ءبارىمىز بىلەمىز. توقسانىنشى جىلدارى سارى الماس بولسىن، قارا الماس بولسىن، اتابانى بىلەم. سوندىقتان ونىڭ ءبارى الەۋمەتتىك جەلىنىڭ كەسىرىنەن “بانديتتەر بولعان سونداي” دەگەن سياقتى مۇمكىن سولارعا ءتيىپ جاتقان بولۋى مۇمكىن. كوشەدە ءقازىر كىم توبەلەسپەي جاتىر؟
– حاسانمەن جەكە تانىسسىز با؟
– تانىمايمىن. اتى شىققان وتە مىقتى وپگ بولسا، ءبىز ەستيتىن ەدىك قوي. وسى جەلىگە شىققان شەرزاتتىڭ ولىمىنەن كەيىن ءبارى حاسانعا تاڭىپ جاتىر. وپگ-سى دەگەن سياقتى. سوندىقتان، قۇزىرەتتى ورگاندار ءبارىن زەرتتەپ كورۋ كەرەك.
– تالعارعا بارعان كەزدە ءسىزدى كوپ سىناپ، اشىق جازدى. ءسىز سولاردىڭ ءبارىن وقىپ وتىرسىز با؟ نە دەپ جاۋاپ بەرەسىز؟
– مىسالى مەن وقىمايمىن. باسىمدى قاتىرىپ قايتەم. ءتىپتى ءبىزدىڭ پايعامباردىڭ ءوزىن جىندى دەگەن. يسا پايعامباردى ولتىرمەكشى بولعان. ابايدىڭ ءوزىن قان جىلاتقان قازاقپىز. ونىڭ جانىندا ءبىز كىمبىز؟ شاكارىمدى قۇدىققا تاستاعان كەزدە ارداق نازاروۆقا سىن ايتۋ – مەن وعان قۋانامىن. دەپۋتات بولعانعا دەيىن سىندى ءار جەردەن ەستيتىنبىز. ول كەزدە مەنىڭ جانۇياما، سپورتزالىما جاۋاپ بەرەتىنمىن. كەيبىر جاستارعا جاساپ بەرەتىنمىن. ال ءقازىر حالىقتىڭ جاۋاپكەرشىلىگى تۇر عوي. سوندىقتان، 20 ملن ادام بار ما – سونشا پىكىر بار. “مەن ونداي ەمەسپىن، مەن وسىندايمىن، مەن جاقسى نيەتپەن باردىم، ازاماتتىق پارىزىم بار عوي، قاسىمدا موبيلوگراف بولعان جوق” دەپ اقتالمايمىن عوي. سوندىقتان مەن ءوزىمنىڭ ءىسىمدى بىلەم.
– نەگە وندا جازىلۋشىلاردى بلوكتايسىز؟
– كىمدى؟
– مىسالى گۇلبانۋ ءانتياتقىزىن…
– ول قىز جايلى ەشتەڭە ايتپايمىن. مىسالى مىنانداي: سىزدەرگە ايتارىم ءبىر-اق نارسە. ەڭ ۇلكەن قىمبات نارسە – جەر، ەل، اتا-انا قىمبات. ادامنىڭ ار-نامىسى قىمبات. مەنىڭ ار-نامىسىمدى تاپتاعان جازۋشىلارعا مەنىڭ ەشقانداي رەنىشىم جوق. اركىمنىڭ ءوزىنىڭ ساناسى بار. ءبىراق ەرتەڭ بىرەۋدىڭ قارعىسى بولادى، بىرەۋدىڭ ءسوزى بولادى. بىرەۋدى مىسالى قارالاپ كورسەتەسىز، ءبىراق ول ونداي ادام ەمەس. ول سىزگە رەنجۋى مۇمكىن. سىزگە جامان ءسوز ايتۋى مۇمكىن. سول ءسىزدىڭ ۇرپاعىڭىزعا تيەدى. سودان سىزدەردى ساقتاندىرعىم كەلەدى. ويتكەنى جاقسى نارسەنى ناسيحاتتاۋ كەرەك. بىرەۋدىڭ ار-نامىسىنا تيۋگە بولمايدى. ادامگەرشىلىكتەن اتتاۋعا بولمايدى. مەن جۋرناليستەرگە قازۇۋ-دە تالاي ساباق بەردىم. جاقسىلىقتى ناسيحاتتاڭىزدار دەدىم. سىزدەرگە دە ايتارىم سول! دۇرىس نارسەنى بەرىڭىزدەر، بولىسىڭىزدەر.
– ءسىزدى ءاليا نازاربايەۆانىڭ وققاعارى دەيدى. سونى راستاي الاسىز با؟
– مەن ءاليانى ەشقاشان كورگەن ەمەسپىن. مەن ول وتباسىنان ەشكىمدى… ءتىپتى پرەزيدەنتتىڭ وزىمەن كەزدەسكەن ادام ەمەسپىن. ءاليانىڭ اتىن ەستىگەنىم بولماسا، مەن ەشقاشان وققاعار بولماعانمىن. مەن 10 جىل كاسىبي سپورتشى بولعانمىن. سپورتزالدا، شەتەلدەردە بولعانمىن. سول كەزدە ءبىر اقپاراتتار جازىلعان. مەن سۇحباتتارىمدا ول كىسىلەردى بىلمەيتىنىمدى ايتقانمىن.
