Túrkistan qalasyndaǵy «Dostyq úii» ǵimaratynda Respýblika kúni ulttyq merekesine orai etnos jastary arasynda Qazaqstan halqy Assambleiasynyń «Myń bala» respýblikalyq mádeni-aǵartýshylyq jobasynyń oblystyq kezeńi ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Atalǵan baiqaý Túrkistan oblystyq Qoǵamdyq damý basqarmasynyń «Qoǵamdyq kelisim» KMM-niń qoldaýymen uiymdastyryldy.
Ashylý saltanatynda sóz alǵan oblystyq qoǵamdyq damý basqarmasy «Qoǵamdyq kelisim» KMM-niń basshysy Elmira Janǵazieva baiqaýdyń qazaqstandyq biregeilik pen birlikti nyǵaitýdaǵy róline toqtalyp, qatysýshylarǵa sáttilik tiledi.
Jyl basynan beri bastaý alǵan «Myń bala» mádeni-aǵartýshylyq jobasy aýdan, qalalarda 7 nominatsiia boiynsha ótkizildi. Atalǵan baiqaýdyń 5 saiysy boiynsha úzdik shyqqan jeńimpazdar búgingi sharada marapattaldy. Sondai-aq 2 baiqaý boiynsha úmitkerler oblystyq kezeńde baq synasty.
Jas talanttardyń sheberligin shyńdaǵan baiqaýǵa óz salasynyń bilgirleri, mádeniet, óner salasynyń maitalman mamandary qazylyq etti. Ádilqazylar músheleri qatysýshylardyń sóileý mánerine, mátinniń beinelik júiesi men mazmundyq qurylymyna, akterlik sheberligine, tańdap alynǵan shyǵarmanyń ereksheligine mán berdi.
Baiqaýda qazylar qatarynda Túrkistan oblysy qoǵamdyq damý basqarmasy «Qoǵamdyq kelisim» KMM-niń basshysy Elmira Janǵazieva, Qazaqstan Jastar Odaǵy syilyǵynyń laýreaty, QR mádeniet qairatkeri, Qazaqstan Kompozitorlar Odaǵynyń múshesi, ánshi-kompazitor Saýranbek Eleýov, Qoja Ahmet Iasaýi atyndaǵy HQTÝ-niń «Oryndaýshylyq óner» kafedrasynyń aǵa oqytýshysy, QR mádeniet qairatkeri, kompazitor Álimbai Botaqaraev, Qoja Ahmet Iasaýi atyndaǵy HQTÝ-niń «Oryndaýshylyq óner» kafedrasynyń aǵa oqytýshysy, QR mádeniet salasynyń úzdigi Aiakóz Iakýb jáne oblystyq qoǵamdyq damý basqarmasy QHA hatshylyǵy jáne etnosaralyq qatynastardy damytý bóliminiń mamany Madina Kamedenova tórelik etti.
Baiqaý qorytyndysy boiynsha «Jarqyra, jas daryn» baiqaýynda kentaýlyq Venera Rasýlova top jarsa, II oryndy tólebilik Marjona Rafikjanova, III oryndy túlkibastyq Aǵja Agaly ielendi. Al «Ónerli órge júzer» baiqaýynda óner kórsetken maqtaaraldyq Labor Ibadýllaeva jeńimpaz atanyp, respýblikalyq baiqaýǵa joldama aldy. Bul synda saýrandyq Shahzod Rýstamhan II orynǵa, túlkibastyq Gýlnaza Mirhamitova III orynǵa laiyq dep tanyldy.
Jeńimpazdar men júldegerler Túrkistan oblystyq qoǵamdyq damý basqarmasynyń basshysy Erlan Kúzembaevtyń atynan Alǵys hattarmen jáne qarjylai syilyqtarmen marapattaldy.
