Meirambek Besbaev jas ánshi Erkesh Hasenge kólik alyp berdi, dep habarlaidy Dalanews.kz.
Jaqsy jańalyqty Erkesh Hasen áleýmettik jelide bólisti. Ánshiniń aitýynsha, kólikke ie bolýy kútpegen jerden bolǵan.
Ol jobalardyń birinen keiin úiine qaitpaq bolǵanda Meirambek Besbaev kóligi bar-joǵyn suraǵan. Erkesh Hasen taksi shaqyrǵanyn aitqan. Kelesi kúni Meirambek Besbaev odan kóligi joq ekenin naqtylap surap, baǵdarlama aiaqtalǵan soń bólmesine shaqyrǵan.
Sol jerde ol jas ánshiniń jaǵdaiyn júregine jaqyn qabyldaǵanyn aityp, kartasynyń nómirin qaldyrýyn surap, jaqyn kúnderi kólik alýǵa kómektesetinin jetkizgen.
"Men úshin úlken syi, úlken qurmet. Allaǵa shúkir, búgin Meirambek Besbaev aǵam kólik satyp alyp berdi", - dedi Erkesh Hasen.
Jeli qoldanýshylary ánshini quttyqtap, izgi tilekterin jaýdyryp jatyr.
"Erkesh inim, qutty kólik bolsyn", "Allah berekesin jaýdyrsyn", "Kólik qutty bolsyn!" - dedi olar.
