Meta kompanıasy Aýstralıada 16 jasqa deıingi balalarǵa áleýmettik jeli qoldanýǵa tyıym salynǵannan keıin Facebook, Instagram jáne Threads platformalarynda 544 myńnan asa paraqshany buǵattaǵanyn málimdedi.

Kompanıa dereginshe, paraqshalar 4–11 jeltoqsan aralyǵynda óshirilgen. Onyń ishinde:

• Instagram – 330 639 paraqsha,

• Facebook – 173 497 paraqsha,

• Threads – 39 916 paraqsha.

Meta ókilderi zań talaptaryn oryndaý kóp deńgeıli ári uzaq proses ekenin aıtyp, ınternette qoldanýshynyń naqty jasyn anyqtaýda biryńǵaı standart joqtyǵy qıyndyq týǵyzyp otyrǵanyn jetkizdi.

Aıta keteıik, Aýstralıa úkimeti tyıym Twitch, Kick, YouTube, Threads, Facebook, Instagram, Snap, X, TikTok jáne Reddit platformalaryna qatysty ekenin málimdegen. Bul platformalardyń barlyǵy 2025 jylǵy 10 jeltoqsannan bastap jas tekserý júıesin engizgen.