Meta كومپانياسى اۋستراليادا 16 جاسقا دەيىنگى بالالارعا الەۋمەتتىك جەلى قولدانۋعا تىيىم سالىنعاننان كەيىن Facebook، Instagram جانە Threads پلاتفورمالارىندا 544 مىڭنان اسا پاراقشانى بۇعاتتاعانىن مالىمدەدى.

كومپانيا دەرەگىنشە، پاراقشالار 4–11 جەلتوقسان ارالىعىندا وشىرىلگەن. ونىڭ ىشىندە:

• Instagram – 330 639 پاراقشا،

• Facebook – 173 497 پاراقشا،

• Threads – 39 916 پاراقشا.

Meta وكىلدەرى زاڭ تالاپتارىن ورىنداۋ كوپ دەڭگەيلى ءارى ۇزاق پروسەسس ەكەنىن ايتىپ، ينتەرنەتتە قولدانۋشىنىڭ ناقتى جاسىن انىقتاۋدا ءبىرىڭعاي ستاندارت جوقتىعى قيىندىق تۋعىزىپ وتىرعانىن جەتكىزدى.

ايتا كەتەيىك، اۋستراليا ۇكىمەتى تىيىم Twitch، Kick، YouTube، Threads، Facebook، Instagram، Snap، X، TikTok جانە Reddit پلاتفورمالارىنا قاتىستى ەكەنىن مالىمدەگەن. بۇل پلاتفورمالاردىڭ بارلىعى 2025 جىلعى 10 جەلتوقساننان باستاپ جاس تەكسەرۋ جۇيەسىن ەنگىزگەن.