Meta компаниясы Аустралияда 16 жасқа дейінгі балаларға әлеуметтік желі қолдануға тыйым салынғаннан кейін Facebook, Instagram және Threads платформаларында 544 мыңнан аса парақшаны бұғаттағанын мәлімдеді.
Компания дерегінше, парақшалар 4–11 желтоқсан аралығында өшірілген. Оның ішінде:
-
Instagram – 330 639 парақша,
-
Facebook – 173 497 парақша,
-
Threads – 39 916 парақша.
Meta өкілдері заң талаптарын орындау көп деңгейлі әрі ұзақ процесс екенін айтып, интернетте қолданушының нақты жасын анықтауда бірыңғай стандарт жоқтығы қиындық туғызып отырғанын жеткізді.
Айта кетейік, Аустралия үкіметі тыйым Twitch, Kick, YouTube, Threads, Facebook, Instagram, Snap, X, TikTok және Reddit платформаларына қатысты екенін мәлімдеген. Бұл платформалардың барлығы 2025 жылғы 10 желтоқсаннан бастап жас тексеру жүйесін енгізген.
