Jýyrda Túrkistan oblystyq Shámshi Qaldaiaqov atyndaǵy filarmoniianyń direktory Ǵalymjan Ernazarovqa shaǵym túsirip, keiinnen oǵan keshirim bergen ánshi Narkenje Serikbaevanyń áreketi qoǵamda qyzý talqylanyp, úlken rezonans týdyrdy. Atalǵan oqiǵaǵa qatysty óner iesiniń qyzy Jansaia Serikbaeva da ún qatty, dep habarlaidy Dalanews.kz.
“Iá, sońǵy úsh kúndegi jaǵdai bárimizdi selt etkizbei qoimady. Men anammen árqashan maqtanamyn. Bul joly da erlik jasap, kópten beri eshkim qozǵai almai júrgen qoǵamnyń basty dertin qozǵady. Bul, árine, barlyq mekeme basshylaryna sabaq bolǵany sózsiz”, – dep jazdy Jansaia Serikbaeva.
Ol áleýmettik jelide anasyna qatysty túrli pikir aitylyp jatqanyn da tilge tiek etti.
“Biri jaqtady, biri dattady. Bloger, jýrnalist symaqtar haip qýalap, anamdy mazaqqa ainaldyryp jatyr. Meili, biz qashan da myqtymyz. Bul synaqtan da oinap-kúlip, bas kóterip ótemiz. Bul jaǵdai bizge kimniń kim ekenin tanytty, burynǵydan da shyńdai tústi. Bizdiń qoǵamnyń álsiz jeri de osy basqa basqa bireýdi jerden alyp, jerge salyp tabalaýǵa shebermiz. Meili halyq ne demeidi? Men bárin Allaǵa tapsyrdym. Degenmen meniń kórgenim basqa dúnie, Anama qoldaý kórsetý úshin osy másele barysynda Anamnyń janynan tabyldym”, – dedi Jansaia.
Sondai-aq ol anasynyń keshirim berý týraly sheshimine bastapqyda ań-tań bolǵanyn da jasyrmady. Jansaianyń jazýynsha, Serikbaeva bul kelisimge belgili qoǵam qairatkerleriniń aralasýymen kelgen.
“Jan-jaqtan belgili el aǵalary kelip:
— Narkenje qaryndasym, keshirimdi bolaiyq, eki tarap kelisimge kelińder, — degende, Anam kóregendik tanytyp, el aǵalarynyń sózinen attap kete almai, bizdiń tarapymyzdan keshirim berildi. Negizi, bul jaǵdai rezonans týdyrdy.
Sol jerde turyp men de anama renjip:
— Nege keshirdińiz? Nege sońyna deiin barmadyńyz? — degen suraqty qoidym.
Sonda anam:
— Saiash, Alladan úlken emespiz. Úlken basymen el aǵalary aldymyzǵa kelip turǵanda, keshirim bermesek, bizdiń adamgershiligimiz qaida qalady? — dep, meni toqtatty.
Osylaisha eki jaq ortaq sheshimge keldik”, — dedi ol.
Eske salaiyq, buǵan deiin Túrkistan oblystyq Shámshi Qaldaiaqov atyndaǵy filarmoniianyń ánshisi Narkenje Serikbaeva mádeniet salasyndaǵy túitkilder men basshylyq tarapynan kórsetilgen qysym týraly áleýmettik jelide ashyq jazba jariialaǵan edi. Óner iesiniń bul málimdemesine filarmoniia direktory Ǵalymjan Ernazarov jaýap bergen bolatyn.
Aita keteiik, buǵan deiin ánshi Narkenje Serikpaeva ashyq málimdeme jasaǵan edi.
"Men bosqa shyryldap, haip izdep júrgen ánshi emespin. Ónerge janym ashyǵandyqtan ashynyp aitamyn. Shyndyq dep shyryldap júrgen qazaqtyń bir qyzymyn", – dedi Serikpaeva.
Ol ózi qyzmet etetin filarmoniiany "qara shańyraq" dep atady. Aitýynsha, aldaǵy shilde aiynyń 11-inde filarmoniia ujymy Ispaniiaǵa kontserttik baǵdarlamamen barýy tiis. Alaida shetelge shyǵar aldynda kiim máselesin kótergeni úshin qysymǵa ushyraǵanyn málim etti.
"Sol jaqqa bararda kiim máselesin rettep berińiz degen sózim basshyǵa jaqpai, qysym kórsetip jatyr", – dedi ol.
Ánshiniń aitýynsha, filarmoniia direktory Ǵalymjan esimdi azamat oǵan kontsertke qatyspaisyń dep talap qoiǵan.
Al keiin Serikbaevanyń ózi shaǵymdanǵan filarmoniia basshylyǵymen bitimge kelgeni belgili boldy.
"Armysyzdar, Qazaq eli! Kesheli beri maǵan janashyrlyq tanytyp, qoldaý bildirip jatqandaryńyzǵa, rahmet! Alla razy bolsyn!
Búgin mekemege kelip, arnaiy ákimshilikten komissiia qurylyp, Ǵalymjan Ernazarov ekeýmiz bir-birimizdi túsinistik. Bir-birimizden keshirim suradyq", - dedi Narkenje Serikbaeva
Filarmoniia basshysynyń sózinshe, atalǵan másele boiynsha arnaiy komissiia kelip, eki taraptyń aryz-talabyn qarastyryǵan.
"Kesheden beri rezonans týdyrǵan másele úshin keshirim suraimyz! Árbir úidiń máselesi óz ishinde qalýy tiis edi. Endi elge tarap ketkennen keiin oblystyq mádeniet basqarmasynan jáne ákimshilikten komissiia keldi. Olar ekeýmizdiń talaptarymyzdy, ótinishterimiz qarady. Bir-birimizge qoiatyn másele joq.
Eshqandai daý-damai jáne máseleni ýshyqtyryp kerek emes", - dedi Ǵalymjan Ernazarov.
