Memlekettik qyzmet isteri agenttigi janyndaǵy Qoǵamdyq keńestiń otyrysynda memlekettik qyzmetkerlerdiń quqyqtaryn qorǵaý jáne jumys ýaqytyn saqtaý máseleleri talqylandy, dep habarlaidy Dalanews.kz.
Agenttiktiń 9 ai ishindegi baqylaý jumystarynyń nátijesinde 15 myńǵa jýyq zańbuzýshylyq anyqtalyp, onyń qorytyndysy boiynsha laýazymdy adamdar tártiptik jáne ákimshilik jaýapkershilikke tartyldy.
"4221 memlekettik qyzmetkerdiń buzylǵan quqyǵy qalpyna keltirildi", – delingen vedomstvo habarlamasynda.
Sonymen qatar belgilengen kezeńde jumys ýaqytyna júrgizilgen monitoring nátijesinde 2,3 myńnan astam memlekettik qyzmetkerdiń quqyǵy qorǵaldy. Onyń ishinde 2 myńnan astamy qosymsha demalys saǵattaryn alsa, qalǵandaryna aqshalai ótemaqy tólendi jáne ikemdi jumys ýaqyty rejimi belgilendi.
