مەملەكەتتىك قىزمەت ىستەرى اگەنتتىگى جانىنداعى قوعامدىق كەڭەستىڭ وتىرىسىندا مەملەكەتتىك قىزمەتكەرلەردىڭ قۇقىقتارىن قورعاۋ جانە جۇمىس ۋاقىتىن ساقتاۋ ماسەلەلەرى تالقىلاندى، دەپ حابارلايدى Dalanews.kz.
اگەنتتىكتىڭ 9 اي ىشىندەگى باقىلاۋ جۇمىستارىنىڭ ناتيجەسىندە 15 مىڭعا جۋىق زاڭبۇزۋشىلىق انىقتالىپ، ونىڭ قورىتىندىسى بويىنشا لاۋازىمدى ادامدار تارتىپتىك جانە اكىمشىلىك جاۋاپكەرشىلىككە تارتىلدى.
"4221 مەملەكەتتىك قىزمەتكەردىڭ بۇزىلعان قۇقىعى قالپىنا كەلتىرىلدى"، – دەلىنگەن ۆەدومستۆو حابارلاماسىندا.
سونىمەن قاتار بەلگىلەنگەن كەزەڭدە جۇمىس ۋاقىتىنا جۇرگىزىلگەن مونيتورينگ ناتيجەسىندە 2،3 مىڭنان استام مەملەكەتتىك قىزمەتكەردىڭ قۇقىعى قورعالدى. ونىڭ ىشىندە 2 مىڭنان استامى قوسىمشا دەمالىس ساعاتتارىن السا، قالعاندارىنا اقشالاي وتەماقى تولەندى جانە يكەمدى جۇمىس ۋاقىتى رەجيمى بەلگىلەندى.
