Osyǵan orai Dalanews.kz memorialdyń avtorlary – Aleksei Ivjenko men Gaini Saǵidýllaevamen bailanysqa shyǵyp, qajetti jaýaptardy aldy.
«Beinejazbada keltirilgen derekter shyndyqqa sáikes kelmeidi. Eń aldymen, sóilep turǵan adamnyń múldem maman emes ekenin aitý kerek. Kafel men granitti ajyrata almaidy.
Bul memorial jasandy tastardan, kafelden emes, tek tabiǵi tastardan, iaǵni granitten, mármárdan, slanetsten jasalǵan.
Slanetsten jasalǵan stelalarda onyń býyndarynyń sáikes kelmeýi qalypty jaǵdai. Qaiǵy men qasiretti meńzeitin bul stelalar ádeii solai jaqparly, iaǵni tegis emes túrde jasalǵan», – dep atap ótti Aleksei Ivjenko.
Onyń aitýynsha, dekorativti tastardan jasalsa, olar dálme-dál ornatylatyny sózsiz, al kedir-budyr tabiǵi tastardan jasalǵandyqtan tastar arasyndaǵy alshaqtyqtar qalypty dúnie.
Sondai-aq, bul avtorlyq ideia retinde jańa kózqarasta, iaǵni ádeii solai iske asqanyn atap ótý qajet. Kedir-budyr qara tastar qańtardaǵy jaǵdaidy, qasiret, qorqynysh pen haosty beineleidi.
Onyń áriptesi Gaini Saǵidýllaeva granittegi jasalǵan drenajdyq júieni de túsindirip ótti.
«Taza graniten, iaǵni tabiǵi tastan jasalǵan edenústi plitka sý tigende, aýanyń ylǵalymen, sýyqta óz túsin ózgertip otyrady. Ony kez kelgen maman biledi. Joǵary ylǵaldylyqta granittiń túsiniń basqa bolyp kórinýi (onyń ústine telefonǵa túsirilgen jazbada) ol kir degendi bildirmeidi! Úshinshiden, jerdegi plitkalar arasyndaǵy alshaqtyq ta arnaiy sý aǵatyn arna retinde jasalynǵan. Iaǵni «shel» emes, jańbyrdyń, erigen qardyń sýy aǵyp ketetin jer», - dedi arhitektor.
Mamandardyń aitýynsha, jazba avtory bilmestikpen be, álde basqa ma, negizi jalǵan aqparat berip, memorialdy qaralap otyr. Osyny eskergen jón.
«Al jazba avtory ashyp kórsetip otyrǵan, iaǵni julynyp qaldy-mys degen plitkaǵa kelsek, ol shyndyq bolýy múmkin, árine. Biraq, osynshama jalǵan sóilegen adamnyń ony ádeii julyp almasyna kim kepil? Qys mezgilinde – aýa temperatýrasy tómen kezde júrgizilgen soń kez-kelgen qurylysshy, sáýletshi belgili bir táýekeldiń, syzat, jaryqshaqtyń bolatynyn biledi.
Avtorlyq bul joba bizdiń baqylaýymyzda, kepildik mindetteme boiynsha kemshilikter túzetiledi dep senimdi túrde aitamyz. Bul zań talaby. Qazir kei plita aýystyryldy, qajetti jumystar júrgizilip jatyr», - dedi mamandar.
«Bitken iske synshy kóp» degen. Kásibi qoǵamdastyq bizdiń jumysqa oń pikir aityp, jaqsy baǵa bergen. Sol sebepti tyrnaqtyń astynan kir izdegen adam qansha shedevr jasasań da, kemshilik tabady. Beine túsirip, haip jasap, upai jinaǵansha memorialdy jaqsartýdyń jolyn birge izdegenimiz abzalyraq bolar edi», – dep qorytyndylady Ivjenko.
Aita keteiik, Almatydaǵy «Taǵzym» memorialy 23 jeltoqsan kúni ashylǵan bolatyn.
https://dalanews.kz/ekonomika/85002-home-credit-2022-zhylgy-cifrlyq-sheshimder-boyynsha-u
