وسىعان وراي Dalanews.kz مەموريالدىڭ اۆتورلارى – الەكسەي يۆجەنكو مەن گايني ساعيدۋللاەۆامەن بايلانىسقا شىعىپ, قاجەتتٸ جاۋاپتاردى الدى.
«بەينەجازبادا كەلتٸرٸلگەن دەرەكتەر شىندىققا سەيكەس كەلمەيدٸ. ەڭ الدىمەن, سٶيلەپ تۇرعان ادامنىڭ مٷلدەم مامان ەمەس ەكەنٸن ايتۋ كەرەك. كافەل مەن گرانيتتٸ اجىراتا المايدى.
بۇل مەموريال جاساندى تاستاردان, كافەلدەن ەمەس, تەك تابيعي تاستاردان, ياعني گرانيتتەن, مەرمەردان, سلانەتستەن جاسالعان.
سلانەتستەن جاسالعان ستەلالاردا ونىڭ بۋىندارىنىڭ سەيكەس كەلمەۋٸ قالىپتى جاعداي. قايعى مەن قاسٸرەتتٸ مەڭزەيتٸن بۇل ستەلالار ەدەيٸ سولاي جاقپارلى, ياعني تەگٸس ەمەس تٷردە جاسالعان», – دەپ اتاپ ٶتتٸ الەكسەي يۆجەنكو.
ونىڭ ايتۋىنشا, دەكوراتيۆتٸ تاستاردان جاسالسا, ولار دەلمە-دەل ورناتىلاتىنى سٶزسٸز, ال كەدٸر-بۇدىر تابيعي تاستاردان جاسالعاندىقتان تاستار اراسىنداعى الشاقتىقتار قالىپتى دٷنيە.
سونداي-اق, بۇل اۆتورلىق يدەيا رەتٸندە جاڭا كٶزقاراستا, ياعني ەدەيٸ سولاي ٸسكە اسقانىن اتاپ ٶتۋ قاجەت. كەدٸر-بۇدىر قارا تاستار قاڭتارداعى جاعدايدى, قاسٸرەت, قورقىنىش پەن حاوستى بەينەلەيدٸ.
ونىڭ ەرٸپتەسٸ گايني ساعيدۋللاەۆا گرانيتتەگٸ جاسالعان درەناجدىق جٷيەنٸ دە تٷسٸندٸرٸپ ٶتتٸ.
«تازا گرانيتەن, ياعني تابيعي تاستان جاسالعان ەدەنٷستٸ پليتكا سۋ تيگەندە, اۋانىڭ ىلعالىمەن, سۋىقتا ٶز تٷسٸن ٶزگەرتٸپ وتىرادى. ونى كەز كەلگەن مامان بٸلەدٸ. جوعارى ىلعالدىلىقتا گرانيتتٸڭ تٷسٸنٸڭ باسقا بولىپ كٶرٸنۋٸ (ونىڭ ٷستٸنە تەلەفونعا تٷسٸرٸلگەن جازبادا) ول كٸر دەگەندٸ بٸلدٸرمەيدٸ! ٷشٸنشٸدەن, جەردەگٸ پليتكالار اراسىنداعى الشاقتىق تا ارنايى سۋ اعاتىن ارنا رەتٸندە جاسالىنعان. ياعني «ششەل» ەمەس, جاڭبىردىڭ, ەرٸگەن قاردىڭ سۋى اعىپ كەتەتٸن جەر», - دەدٸ ارحيتەكتور.
مامانداردىڭ ايتۋىنشا, جازبا اۆتورى بٸلمەستٸكپەن بە, ەلدە باسقا ما, نەگٸزٸ جالعان اقپارات بەرٸپ, مەموريالدى قارالاپ وتىر. وسىنى ەسكەرگەن جٶن.
«ال جازبا اۆتورى اشىپ كٶرسەتٸپ وتىرعان, ياعني جۇلىنىپ قالدى-مىس دەگەن پليتكاعا كەلسەك, ول شىندىق بولۋى مٷمكٸن, ەرينە. بٸراق, وسىنشاما جالعان سٶيلەگەن ادامنىڭ ونى ەدەيٸ جۇلىپ الماسىنا كٸم كەپٸل? قىس مەزگٸلٸندە – اۋا تەمپەراتۋراسى تٶمەن كەزدە جٷرگٸزٸلگەن سوڭ كەز-كەلگەن قۇرىلىسشى, سەۋلەتشٸ بەلگٸلٸ بٸر تەۋەكەلدٸڭ, سىزات, جارىقشاقتىڭ بولاتىنىن بٸلەدٸ.
اۆتورلىق بۇل جوبا بٸزدٸڭ باقىلاۋىمىزدا, كەپٸلدٸك مٸندەتتەمە بويىنشا كەمشٸلٸكتەر تٷزەتٸلەدٸ دەپ سەنٸمدٸ تٷردە ايتامىز. بۇل زاڭ تالابى. قازٸر كەي پليتا اۋىستىرىلدى, قاجەتتٸ جۇمىستار جٷرگٸزٸلٸپ جاتىر», - دەدٸ ماماندار.
«بٸتكەن ٸسكە سىنشى كٶپ» دەگەن. كەسٸبي قوعامداستىق بٸزدٸڭ جۇمىسقا وڭ پٸكٸر ايتىپ, جاقسى باعا بەرگەن. سول سەبەپتٸ تىرناقتىڭ استىنان كٸر ٸزدەگەن ادام قانشا شەدەۆر جاساساڭ دا, كەمشٸلٸك تابادى. بەينە تٷسٸرٸپ, حايپ جاساپ, ۇپاي جيناعانشا مەموريالدى جاقسارتۋدىڭ جولىن بٸرگە ٸزدەگەنٸمٸز ابزالىراق بولار ەدٸ», – دەپ قورىتىندىلادى يۆجەنكو.
ايتا كەتەيٸك, الماتىداعى «تاعزىم» مەموريالى 23 جەلتوقسان كٷنٸ اشىلعان بولاتىن.
https://dalanews.kz/ekonomika/85002-home-credit-2022-zhylgy-cifrlyq-sheshimder-boyynsha-u
