Memlekettik keńesshi Erlan Qarın jańa Konstıtýsıa jobasynda qazaq tiline naqty ári aıryqsha mártebe berilgenin málimdedi, dep habarlaıdy Dalanews.kz.

Onyń sózinshe, qujatta Qazaqstan Respýblıkasynyń memlekettik tili qazaq tili ekeni eshqandaı ekiushty túsindirmesiz, aıqyn bekitilgen.

Erlan Qarın jańa Konstıtýsıa jobasynyń "Konstıtýsıalyq qurylys negizderi" dep atalatyn 1-bóliminiń 9-babynyń 1-tarmaǵynda memlekettik til retinde qazaq tili tikeleı kórsetilgenin atap ótti.

“Bizde memlekettik til bireý. Ol - qazaq tili. Basqa memlekettik joq”, - dedi ol.

Sondaı-aq memlekettik keńesshi qazaq tili óz tuǵyrynda qala beretinine senim bildirdi.

“Eń bastysy memleketti saqtaý kerek, memleketti qorǵaý kerek, eń birinshi, el birligin oılaý kerek, - dep túıindedi ol.