مەملەكەتتىك كەڭەسشى ەرلان قارين جاڭا كونستيتۋسيا جوباسىندا قازاق تىلىنە ناقتى ءارى ايرىقشا مارتەبە بەرىلگەنىن مالىمدەدى، دەپ حابارلايدى Dalanews.kz.
ونىڭ سوزىنشە، قۇجاتتا قازاقستان رەسپۋبليكاسىنىڭ مەملەكەتتىك ءتىلى قازاق ءتىلى ەكەنى ەشقانداي ەكىۇشتى تۇسىندىرمەسىز، ايقىن بەكىتىلگەن.
ەرلان قارين جاڭا كونستيتۋسيا جوباسىنىڭ "كونستيتۋسيالىق قۇرىلىس نەگىزدەرى" دەپ اتالاتىن 1ء-بولىمىنىڭ 9-بابىنىڭ 1-تارماعىندا مەملەكەتتىك ءتىل رەتىندە قازاق ءتىلى تىكەلەي كورسەتىلگەنىن اتاپ ءوتتى.
“بىزدە مەملەكەتتىك ءتىل بىرەۋ. ول - قازاق ءتىلى. باسقا مەملەكەتتىك جوق”، - دەدى ول.
سونداي-اق مەملەكەتتىك كەڭەسشى قازاق ءتىلى ءوز تۇعىرىندا قالا بەرەتىنىنە سەنىم ءبىلدىردى.
“ەڭ باستىسى مەملەكەتتى ساقتاۋ كەرەك، مەملەكەتتى قورعاۋ كەرەك، ەڭ ءبىرىنشى، ەل بىرلىگىن ويلاۋ كەرەك، - دەپ تۇيىندەدى ول.
