100-den astam memlekettik mekeme azyq-túlikti joǵary baǵamen satyp alǵan, dep habarlaidy Dalanews.kz.
Olardyń qatarynda mektepter, balabaqshalar, aýrýhanalar, balalar úii jáne t.b bar. 2024 jyly Qarjylyq monitoring agenttigi azyq-túlik baǵalaryn kóterýdiń 817 jaǵdaiyn anyqtaǵan, olarǵa qatysty materialdar óńirlik komissiialarǵa tapsyryldy.
685 mekemeniń memlekettik satyp alý kelisimsharttary qaita qaralyp, nátijesinde 370 mln teńgeden astam qarjy únemdeýge sebin tigizdi.
Agenttik memlekettik mekemelerdiń azyq-túlik satyp alý qyzmetin qadaǵalap, "alyp-satarlyq" shemalardy anyqtaýǵa baǵyttalǵan jobany júzege asyrýda.
Bul jumys kásiporyndardyń qyzmetine aralasýsyz, tek IT quraldaryn paidalaný arqyly júrgiziledi.
"Júrgizilgen jumys nátijesinde 69 tiimsiz deldal shettelip, 600 ákimshilik hattama toltyryldy, 11 mln teńge kóleminde aiyppul tólendi", - delingen habarlamada.
Osylaisha, Aqtóbe oblysynyń 80 balabaqshasynda QMA Departamenti qabyldaǵan sharalary nátijesinde qaraqumyqtyń, kartoptyń, sábizdiń, qanttyń, jumyrtqanyń jáne tuzdyń baǵasy tómendetildi. Máselen, bir kásipker balabaqshaǵa qaraqumyqtyń baǵasyn 500%-dan astam kóterip jetkizip bergen.
Qostanaida 117 áleýmettik mekeme qaraqumyqty, qantty, piiazdy, kartopty jáne jumyrtqany 180%-ǵa deiin ústemaqy qosyp satyp alǵany anyqtaldy. QMA Departamentiniń aralasýynan keiin Qostanai oblysyndaǵy barlyq memlekettik mekemelerde qosymsha kelisimsharttar jasalyp, nátijesinde 60 mln teńgege jýyq qarjy únemdeldi.
Osyndai jumystar Astanada jáne Qaraǵandy oblysynda 175 balabaqshada da júrgizilip, 100 mln teńgeden astam qarjy únemdeldi.
QMA memlekettik mekemeler ónim óndirýshilerden jáne iri kóterme saýdagerlerden tikelei satyp alý,saýda ústemaqylaryn asyra kótergeni úshin ákimshilik jaýapkershilikti kúsheitý, zańsyz alynǵan tabys kólemine para-par aiyppuldar qoldaný, baǵalardyń negizsiz ósýine jol bermeý boiynsha birqatar keshendi sharalar ázirledi.
QMA qoǵamdaǵy zańdylyq pen tártipti qamtamasyz etý, ekonomikalyq jáne qarjylyq quqyq buzýshylyqtarǵa qarsy is-qimyl boiynsha belsendi jumysty jalǵastyrýda.
Eger siz ekonomikalyq quqyq buzýshylyqtar faktileri jaily bilseńiz, "AFM Insider" telegram botyna habarlaýyńyzdy suraimyz. Anonimdilikke kepildik beriledi.
