100-دەن استام مەملەكەتتىك مەكەمە ازىق-تۇلىكتى جوعارى باعامەن ساتىپ العان، دەپ حابارلايدى Dalanews.kz.

ولاردىڭ قاتارىندا مەكتەپتەر، بالاباقشالار، اۋرۋحانالار، بالالار ءۇيى جانە ت.ب بار. 2024 جىلى قارجىلىق مونيتورينگ اگەنتتىگى ازىق-تۇلىك باعالارىن كوتەرۋدىڭ 817 جاعدايىن انىقتاعان، ولارعا قاتىستى ماتەريالدار وڭىرلىك كوميسسيالارعا تاپسىرىلدى.

685 مەكەمەنىڭ مەملەكەتتىك ساتىپ الۋ كەلىسىمشارتتارى قايتا قارالىپ، ناتيجەسىندە 370 ملن تەڭگەدەن استام قارجى ۇنەمدەۋگە سەبىن تيگىزدى.

اگەنتتىك مەملەكەتتىك مەكەمەلەردىڭ ازىق-تۇلىك ساتىپ الۋ قىزمەتىن قاداعالاپ، "الىپ-ساتارلىق" سحەمالاردى انىقتاۋعا باعىتتالعان جوبانى جۇزەگە اسىرۋدا.

بۇل جۇمىس كاسىپورىنداردىڭ قىزمەتىنە ارالاسۋسىز، تەك IT قۇرالدارىن پايدالانۋ ارقىلى جۇرگىزىلەدى.

"جۇرگىزىلگەن جۇمىس ناتيجەسىندە 69 ءتيىمسىز دەلدال شەتتەلىپ، 600 اكىمشىلىك حاتتاما تولتىرىلدى، 11 ملن تەڭگە كولەمىندە ايىپپۇل تولەندى"، - دەلىنگەن حابارلامادا.

وسىلايشا، اقتوبە وبلىسىنىڭ 80 بالاباقشاسىندا قما دەپارتامەنتى قابىلداعان شارالارى ناتيجەسىندە قاراقۇمىقتىڭ، كارتوپتىڭ، ءسابىزدىڭ، قانتتىڭ، جۇمىرتقانىڭ جانە تۇزدىڭ باعاسى تومەندەتىلدى. ماسەلەن، ءبىر كاسىپكەر بالاباقشاعا قاراقۇمىقتىڭ باعاسىن 500%-دان استام كوتەرىپ جەتكىزىپ بەرگەن.

قوستانايدا 117 الەۋمەتتىك مەكەمە قاراقۇمىقتى، قانتتى، پيازدى، كارتوپتى جانە جۇمىرتقانى 180%-عا دەيىن ۇستەماقى قوسىپ ساتىپ العانى انىقتالدى. قما دەپارتامەنتىنىڭ ارالاسۋىنان كەيىن قوستاناي وبلىسىنداعى بارلىق مەملەكەتتىك مەكەمەلەردە قوسىمشا كەلىسىمشارتتار جاسالىپ، ناتيجەسىندە 60 ملن تەڭگەگە جۋىق قارجى ۇنەمدەلدى.

وسىنداي جۇمىستار استانادا جانە قاراعاندى وبلىسىندا 175 بالاباقشادا دا جۇرگىزىلىپ، 100 ملن تەڭگەدەن استام قارجى ۇنەمدەلدى.

قما مەملەكەتتىك مەكەمەلەر ءونىم وندىرۋشىلەردەن جانە ءىرى كوتەرمە ساۋداگەرلەردەن تىكەلەي ساتىپ الۋ،ساۋدا ۇستەماقىلارىن اسىرا كوتەرگەنى ءۇشىن اكىمشىلىك جاۋاپكەرشىلىكتى كۇشەيتۋ، زاڭسىز الىنعان تابىس كولەمىنە پارا-پار ايىپپۇلدار قولدانۋ، باعالاردىڭ نەگىزسىز وسۋىنە جول بەرمەۋ بويىنشا ءبىرقاتار كەشەندى شارالار ازىرلەدى.

قما قوعامداعى زاڭدىلىق پەن ءتارتىپتى قامتاماسىز ەتۋ، ەكونوميكالىق جانە قارجىلىق قۇقىق بۇزۋشىلىقتارعا قارسى ءىس-قيمىل بويىنشا بەلسەندى جۇمىستى جالعاستىرۋدا.

ەگەر ءسىز ەكونوميكالىق قۇقىق بۇزۋشىلىقتار فاكتىلەرى جايلى بىلسەڭىز، "افم Insider" تەلەگرام بوتىنا حابارلاۋىڭىزدى سۇرايمىز. انونيمدىلىككە كەپىلدىك بەرىلەدى.