Memleket basshysy Qasym-Jomart Toqaev búgin Qazaqstan investorlar qaýymdastyǵynyń tóraǵasy Bolat Aqsholaqovty qabyldady. Prezidentke Investorlar qaýymdastyǵy qyzmetiniń basym baǵyttary men negizgi bastamalary tanystyryldy. Bul uiym Memleket basshysynyń aqpan aiyndaǵy iri biznes ókilderimen kezdesýde bergen tapsyrmasyna sai qurylǵan bolatyn, dep habarlaidy Dalanews.kz Aqordanyń baspasóz qyzmetine silteme jasap.
Kezdesýde:
- qaýymdastyqtyń memleket pen investorlar arasyndaǵy dánekerlik rólin kórsetetin aýqymdy kún tártibi talqylandy;
- eń aldymen sheshilýge tiis mindetter retinde ekonomikany yryqtandyrýǵa, memlekettiń bizneske aralasýyn azaitýǵa, memlekettik basqarý júiesine tsifrlyq sheshimder men jasandy intellekt tehnologiialaryn engizýge basa mán berildi;
- salyq júiesin jańǵyrtý, monopoliiaǵa qarsy saiasatty jetildirý, jekeshelendirýdiń tiimdiligin arttyrý jáne memlekettik satyp alýdy reformalaý máseleleri qozǵaldy.
Bolat Aqsholaqov Prezidentke otandyq biznestiń ulttyq reitingin iske qosý jónindegi usynysyn jetkizdi.
Qasym-Jomart Toqaev bul bastamalardy qoldap, investitsiialyq klimatty jaqsartý jáne ornyqty ekonomikalyq ósimdi qamtamasyz etý turǵysynan olardy júzege asyrý mańyzdy ekenin atap ótti.
Buǵan deiin saitymyzda "Qazaqstannyń biznes elitasy jańa odaq tóńiregine toptasýda" degen material jariialanǵan bolatyn.
