Memleket basshysy Qasym-Jomart Toqaev Almaty oblysynyń ákimi Marat Sultanǵazievti qabyldap, óńirdiń áleýmettik-ekonomikalyq damýy jáne Almaty aglomeratsiiasyn damytý jospary týraly esebin tyńdady, dep habarlaidy Dalanews.kz
Kezdesýde el Prezidentine óńir ekonomikasynyń sońǵy jyldardaǵy negizgi kórsetkishteri baiandaldy. Ákimniń aitýynsha, sońǵy úsh jylda Almaty oblysynyń jalpy óńirlik ónimi 1,8 ese ósip, 3,4 trln teńgeden 6 trln teńgege deiin ulǵaiǵan. Biylǵy qańtar–qazan ailaryndaǵy qysqa merzimdi ekonomikalyq indeks 109,7 paiyzdy qurady.
Oblysta halyqaralyq kompaniialardyń qatysýymen taǵam ónerkásibi, logistika jáne metallýrgiia baǵyttarynda jalpy quny 470 mlrd teńgeden asatyn 13 iri investitsiialyq joba júzege asyrylyp jatyr.
Sultanǵaziev óńdeý ónerkásibiniń eksporty biylǵy toǵyz aida 28,5 paiyzǵa artyp, 618,5 mln dollarǵa jetkenin atap ótti. Eksporttyń 90 paiyzy joǵary deńgeide qaita óńdelgen ónimderden turady.
Almaty oblysy aýyl sharýashylyǵyna arnalǵan memlekettik sýbsidiialardy tiimdi paidalanýda kósh bastap turǵan óńirlerdiń biri. Bir teńge sýbsidiiaǵa 17 teńgege deiin aýyl sharýashylyǵy ónimderi óndirilýde. Taýarly sút fermalarynyń sany 11-ge kóbeigen.
Áleýmettik damý baǵytynda biyl on aida shamamen 950 myń sharshy metr turǵyn úi salyndy. Úsh aýysymdy mektepterdiń sany 52-den 28-ge deiin qysqardy.
Kezdesý barysynda oblystaǵy týrizm salasynyń damýy da talqylandy. Qapshaǵai sý qoimasy men ulttyq parkter aýmaǵyndaǵy týrizm klasterin damytý jumystary júrgizilýde. Óńirge kelgen týrister sany 2,2 mln adamǵa jetip, byltyrǵy kórsetkishpen salystyrǵanda 36 paiyzǵa artqan.
Memleket basshysy Marat Sultanǵazievke óńirdiń ónerkásip jáne agrarlyq áleýetin nyǵaitý, logistika, týrizm salalaryn damytý, sondai-aq turǵyndardy tolǵandyratyn ózekti máselelerdi keshendi túrde sheshý jóninde birqatar naqty tapsyrma berdi.
