Qazaqstan mektepterinde jynystyq saýatqa arnalǵan arnaiy sabaqtar ázirge engizilmeidi. Bul týraly Oqý-aǵartý ministri Ǵani Beisembaev Úkimet kýlýarynda ótken brifingte málimdedi, dep habarlaidy Dalanews.kz.
Kámeletke tolmaǵandarǵa qatysty seksýaldyq sipattaǵy qylmystardyń jiilep ketýine bailanysty ministrden mektepterde jynystyq tárbie sabaqtaryn engizý máselesi týraly suraq qoiyldy.
“Meniń oiymsha, eń aldymen ata-ananyń jaýapkershiligin arttyrý qajet. Mundai taqyryptar árdaiym otbasynda qozǵalýy kerek dep esepteimin. Sondyqtan biz arnaiy ata-analarǵa pedagogikalyq qoldaý kórsetý ortalyqtaryn ashtyq. Ol jerde psihologtar ata-analarǵa balalarmen qalai sóilesý kerek, olardy qalai tárbieleý qajet ekenin túsindiredi. Eń tiimdi ári durys jol – ata-ananyń ózi bala tárbiesine jaýapkershilikpen qaraýy. Árine, mektep te bul jaýapkershilikten tys qalmaidy. Biraq bar jaýapkershilikti mektepke artyp qoiý durys emes dep oilaimyn”, – dedi ministr.
Onyń aitýynsha, Oqý-aǵartý ministrligi ata-analarǵa baǵyt-baǵdar berip, qajetti keńes usynýǵa daiyn. Alaida mektepterde arnaiy jynystyq tárbie sabaqtaryn engizý máselesi ázirge kún tártibinde turǵan joq.
