قازاقستان مەكتەپتەرٸندە جىنىستىق ساۋاتقا ارنالعان ارنايى ساباقتار ەزٸرگە ەنگٸزٸلمەيدٸ. بۇل تۋرالى وقۋ-اعارتۋ مينيسترٸ عاني بەيسەمباەۆ ٷكٸمەت كۋلۋارىندا ٶتكەن بريفينگتە مەلٸمدەدٸ, دەپ حابارلايدى Dalanews.kz.
كەمەلەتكە تولماعاندارعا قاتىستى سەكسۋالدىق سيپاتتاعى قىلمىستاردىڭ جيٸلەپ كەتۋٸنە بايلانىستى مينيستردەن مەكتەپتەردە جىنىستىق تەربيە ساباقتارىن ەنگٸزۋ مەسەلەسٸ تۋرالى سۇراق قويىلدى.
“مەنٸڭ ويىمشا, ەڭ الدىمەن اتا-انانىڭ جاۋاپكەرشٸلٸگٸن ارتتىرۋ قاجەت. مۇنداي تاقىرىپتار ەردايىم وتباسىندا قوزعالۋى كەرەك دەپ ەسەپتەيمٸن. سوندىقتان بٸز ارنايى اتا-انالارعا پەداگوگيكالىق قولداۋ كٶرسەتۋ ورتالىقتارىن اشتىق. ول جەردە پسيحولوگتار اتا-انالارعا بالالارمەن قالاي سٶيلەسۋ كەرەك, ولاردى قالاي تەربيەلەۋ قاجەت ەكەنٸن تٷسٸندٸرەدٸ. ەڭ تيٸمدٸ ەرٸ دۇرىس جول – اتا-انانىڭ ٶزٸ بالا تەربيەسٸنە جاۋاپكەرشٸلٸكپەن قاراۋى. ەرينە, مەكتەپ تە بۇل جاۋاپكەرشٸلٸكتەن تىس قالمايدى. بٸراق بار جاۋاپكەرشٸلٸكتٸ مەكتەپكە ارتىپ قويۋ دۇرىس ەمەس دەپ ويلايمىن”, – دەدٸ مينيستر.
ونىڭ ايتۋىنشا, وقۋ-اعارتۋ مينيسترلٸگٸ اتا-انالارعا باعىت-باعدار بەرٸپ, قاجەتتٸ كەڭەس ۇسىنۋعا دايىن. الايدا مەكتەپتەردە ارنايى جىنىستىق تەربيە ساباقتارىن ەنگٸزۋ مەسەلەسٸ ەزٸرگە كٷن تەرتٸبٸندە تۇرعان جوق.
