Jumysy alǵa basqan sondai kásiporyndardyń biri Taldyqorǵan qalasyndaǵy akkýmýliator zaýyty.
Táýelsizdiktiń alǵashqy jyldarynda toqyraýdyń aldyn da turǵan óndiris ornynyń aiaqtan turýyna memleket kóp kómektesti.
Búginde atalmysh zaýyt Údemeli indýstrialdy-innovatsiialyq damý baǵdarlamasynyń arqasynda damyp, jylyna 3 million akkýmýliator batareiasyn shyǵaratyn deńgeige jetken. Buryndary bul kólem 300-den aspaýshy edi. Óndiristik tsehtardyń tolyqtai jańartylýy arqyly otandyq brend paida boldy.
Memleket óndiris ornyn tyǵyryqtan shyǵarý úshin 2,5 mlrd teńgege jýyq qarjy bólgen-di. Sonyń nátijesinde jumys alǵa basyp, júrip jatyr.
Zaýyt óndiristiń qýatyn arttyryp, sapaly ónim shyǵarý úshin Avstriiadan jańadan qural-jabdyqtar satyp alynǵan bolatyn. Sonyń arqasynda óndiris oshaǵy ónimderin kórshiles Qytaiǵa birneshe ret eksporttady. Aldaǵy ýaqtta Qiyr Shyǵys elderimen de bailanysty nyǵaitpaq nietteri bar.
– Zaýyt bolashaqta jylyna 10 million dana batareia óndirýdi kózdep otyr. Oǵan jetý úshin bizge memlekettik qoldaý aýadai qajet, – deidi mamandar.
Zaýyt basshylyǵynyń aitýynsha, aldaǵy tańda 10 million akkýmýliator shyǵarý josparlanǵan. Bul maqsat oryndalsa, sáikesinshe jumysshylar sany da 2,5-3 ese kóbeimek.
Indýstriialandyrý karatsy boiynsha Jetisý óńirinde 70-ke jýyq joba jolǵa qoiylǵan. Jumystyń qarqyndy júrýiniń arqasynda biýdjetke túsetin túsimder 500 mlrd teńgege jetsa, óndiristik ónim kólemi bir trillion teńgeni qurady.
Anar SABYROVA, Almaty oblysy.
