جۇمىسى العا باسقان سونداي كەسٸپورىنداردىڭ بٸرٸ تالدىقورعان قالاسىنداعى اككۋمۋلياتور زاۋىتى.
تەۋەلسٸزدٸكتٸڭ العاشقى جىلدارىندا توقىراۋدىڭ الدىن دا تۇرعان ٶندٸرٸس ورنىنىڭ اياقتان تۇرۋىنا مەملەكەت كٶپ كٶمەكتەستٸ.
بٷگٸندە اتالمىش زاۋىت ٷدەمەلٸ يندۋستريالدى-يننوۆاتسييالىق دامۋ باعدارلاماسىنىڭ ارقاسىندا دامىپ, جىلىنا 3 ميلليون اككۋمۋلياتور باتارەياسىن شىعاراتىن دەڭگەيگە جەتكەن. بۇرىندارى بۇل كٶلەم 300-دەن اسپاۋشى ەدٸ. ٶندٸرٸستٸك تسەحتاردىڭ تولىقتاي جاڭارتىلۋى ارقىلى وتاندىق برەند پايدا بولدى.
مەملەكەت ٶندٸرٸس ورنىن تىعىرىقتان شىعارۋ ٷشٸن 2,5 ملرد تەڭگەگە جۋىق قارجى بٶلگەن-دٸ. سونىڭ نەتيجەسٸندە جۇمىس العا باسىپ, جٷرٸپ جاتىر.
زاۋىت ٶندٸرٸستٸڭ قۋاتىن ارتتىرىپ, ساپالى ٶنٸم شىعارۋ ٷشٸن اۆسترييادان جاڭادان قۇرال-جابدىقتار ساتىپ الىنعان بولاتىن. سونىڭ ارقاسىندا ٶندٸرٸس وشاعى ٶنٸمدەرٸن كٶرشٸلەس قىتايعا بٸرنەشە رەت ەكسپورتتادى. الداعى ۋاقتتا قيىر شىعىس ەلدەرٸمەن دە بايلانىستى نىعايتپاق نيەتتەرٸ بار.
– زاۋىت بولاشاقتا جىلىنا 10 ميلليون دانا باتارەيا ٶندٸرۋدٸ كٶزدەپ وتىر. وعان جەتۋ ٷشٸن بٸزگە مەملەكەتتٸك قولداۋ اۋاداي قاجەت, – دەيدٸ ماماندار.
زاۋىت باسشىلىعىنىڭ ايتۋىنشا, الداعى تاڭدا 10 ميلليون اككۋمۋلياتور شىعارۋ جوسپارلانعان. بۇل ماقسات ورىندالسا, سەيكەسٸنشە جۇمىسشىلار سانى دا 2,5-3 ەسە كٶبەيمەك.
يندۋسترييالاندىرۋ كاراتسى بويىنشا جەتٸسۋ ٶڭٸرٸندە 70-كە جۋىق جوبا جولعا قويىلعان. جۇمىستىڭ قارقىندى جٷرۋٸنٸڭ ارقاسىندا بيۋدجەتكە تٷسەتٸن تٷسٸمدەر 500 ملرد تەڭگەگە جەتسا, ٶندٸرٸستٸك ٶنٸم كٶلەمٸ بٸر تريلليون تەڭگەنٸ قۇرادى.
انار سابىروۆا, الماتى وبلىسى.
