Qazaqstan Ishki ister ministrliginiń qyzmetkerleri dini ekstremizmdi nasihattady jáne dini alaýyzdyqty qozdyrdy degen kúdikpen 44 jastaǵy er adamdy ustady. Bul týraly Polisia.kz jazdy, dep habarlaidy dalanews.kz.
Tergeý málimetinshe, kúdikti 2024 jyldan beri Qazaqstannan tys jerde júrip, radikaldy ideialardy taratqan. Ol Telegram messendjerindegi jabyq toptardy basqaryp, onlain dárister ótkizgen. Buǵan deiin onyń birqatar aýdiodárisi sot sheshimimen ekstremistik materialdar dep tanylǵan.
Sondai-aq kúdiktiniń sheteldik teologiialyq oqý oryndarynda dini bilim alǵany anyqtaldy. Ol 2024–2025 jyldary jaqtastarynan 60 million teńgeden astam qarajat jinaǵan.
11 qarashada júrgizilgen jedel-izdestirý sharalary nátijesinde er adam Almaty qalasynda ustaldy. Sonymen qatar Almaty men Jambyl oblysynda bir mezgilde tergeý áreketteri júrgizildi. Tintý barysynda ekstremistik ideologiia belgileri bar dini ádebietter men qoljazbalar tárkilendi.
Qazirgi ýaqytta kúdikti ýaqytsha ustaý izoliatoryna qamaldy. IIM onyń yqtimal sybailastary men ózge de qatysy bar adamdardy anyqtaý jumystaryn jalǵastyryp jatyr.
