Sinoptikterdiń boljamynsha, 14 qarashada atmosferalyq fronttardyń ótýine bailanysty birqatar óńirde jańbyr men qar jaýady. Tek elimizdiń ońtústiginde jaýyn-shashynsyz aýa raiy kútiledi, dep habarlaidy dalanews.kz.
Respýblika boiynsha tuman túsip, kóktaiǵaq bolýy yqtimal. Batys, soltústik-batys, soltústik jáne ońtústik-shyǵys óńirlerde jel kúsheiedi. Al soltústikte jaiaý burqasyn soǵýy múmkin. Birqatar aimaqta daýyldy eskertý jariialanǵan.
Astana qalasynda jańbyr men qar jaýyp, kóktaiǵaq bolady. Túnde aýa temperatýrasy -2...-4°C, kúndiz 0...+2°C shamasynda bolady.
Almatyda jaýyn-shashyn kútilmeidi. Túnde aýa temperatýrasy -3...-5°C-qa deiin tómendep, kúndiz +5...+7°C bolady.
Shymkentte de jaýyn-shashynsyz aýa raiy boljanady. Túnde jáne tańerteń tuman túsýi múmkin. Aýa temperatýrasy túnde +2°C, kúndiz +9...+11°C shamasynda bolady.
Sinoptikter turǵyndarǵa joldarda abai bolýdy, jyldamdyq rejimin saqtaýdy jáne aýa raiynyń qolaisyzdyǵyn eskerýdi eskertedi. Qatty jel kezinde aǵashtardan, jarnama qurylymdarynan jáne elektr jelilerinen alys júrgen jón.
