Mediatsiiaǵa basymdyq beretin kodeksi qabyldandy
Sonymen qatar, jiynda dáleldemeler men ákimshilik istiń ózge de materialdary nazarǵa alynatyndyǵy aityldy. Al, kodeks 1-shildeden bastap qoldanysqa engiziledi.
– Sot qyzmetine tyń serpin beretin taǵy bir zań – biylǵy 29-maýsymda Prezident qol qoiǵan «QR ákimshilik-rásimdik protsestik kodeksi». Bul zań aiasynda sýdiaǵa jańa ókilettikter men quqyqtar berilip otyr. Iaǵni, sýdia ákimshilik istiń naqty jáne zańdy tustaryna jatatyn quqyqtyq negizdemeler boiynsha óziniń aldyn ala quqyqtyq pikirin aitýǵa quqyly. Burynǵy zań boiynsha sýdiaǵa mundai quqyq berilmeitin. Sondyqtan, sýdia iske bailanysty óz pikirin aitýǵa tiis emes bolatyn, – dedi Aianbek Bekejanuly.
Taǵy bir jańashyldyq, sot óz bastamasy nemese ákimshilik protseske qatysýshylardyń ýájdi ótinishhaty boiynsha qosymsha materialdar men dáleldemelerdi jinai alady. Ákimshilik sot isin júrgizý mindetterin sheshýge baǵyttalǵan ózge de áreketterdi júzege asyrady. Túrkistan oblystyq sotynyń sýdiasy Búrkit Baidýllaevtyń aitýynsha, zańda «Tatýlastyrý rásimderi» keńinen qoldanylady. Eger taraptardyń daýy tatýlasý, mediatsiialyq jolmen sheshilse, kelisimi jazbasha túrde bolady.
Mámilege kelý sharttary zańǵa qaishy kelgen jaǵdaida, sot ony bekitpeidi. Sondai-aq, adamdardyń quqyqtaryn, bostandyqtary men zańdy múddelerin buzatyn kelisimderge de jol berilmeidi. Daýlasýshy taraptar ózara tatýlasý, mediatsiia nemese daýdy partisipativtik rásimge kelisim bermese nemese sot kelisimniń sharttaryn bekitpese, ákimshilik isti talqylaý jalpy tártippen júrgiziledi.
