Baianaýylda “Maiqaiyńaltyn” kenishinde qaza tapqan tórt qutqarýshyǵa qatysty qylmystyq is boiynsha aldyn ala tyńdaý bastaldy, dep habarlaidy Dalanews.kz.
Aiyptalýshylar oryndyǵynda – kompaniianyń burynǵy bas direktory Qýanysh Botin, onyń birinshi orynbasary Qanat Bashirov jáne kenish direktory da bar taǵy tórt laýazymdy tulǵa otyr. Olardyń barlyǵy 2024 jylǵy qyrkúiekten bastap úiqamaqta bolǵan. Aiyp QR Qylmystyq kodeksiniń 277-baby 3-bóligi boiynsha taǵylyp otyr – "Adam ólimine alyp kelgen óndiristik qaýipsizdik talaptaryn buzý".
Qaiǵyly oqiǵa 2024 jyldyń 4 qańtarynda bolǵan: shuǵyl shaqyrtýǵa bara jatqan RTsSh PVASS qutqarý toby otyrǵan avtobýs kenish aýmaǵyndaǵy úlken shuńqyrǵa qulap ketken. Kóliktegi tórt qutqarýshynyń bári kóz jumdy. Ekeýiniń denesi sol kúni tabylsa, qalǵandarynyń súiekteri alty aidan keiin ǵana anyqtalǵan.
Arnaiy komissiia apatqa tolyq jaýapkershilikti jumys berýshige artty. Bul qorytyndymen kelispei, sotta daýlamaq bolǵandardyń áreketi nátije bermedi. Buǵan deiin óndiristik qaýipsizdikke jaýapty eki inspektor da jaýapkershilikke tartylyp, olarǵa bostandyqty shekteý jazasy taǵaiyndalǵan bolatyn.
2025 jyldyń sáýirinde “Maiqaiyńaltyn” aktsionerlik qoǵamynyń menshik iesi aýysyp, jańa iesi retinde “AK Altynalmas” kompaniiasy tirkeldi.
