Sınoptıkter aldaǵy kúnderge arnalǵan aýa raıy boljamyn usyndy, dep habarlaıdy Dalanews.kz.
Máskeý mańynan jyljyp kele jatqan sıklon jáne atmosferalyq fronttar áserinen Qazaqstan aýmaǵynda turaqsyz aýa raıy saqtalady. Respýblıkanyń basym bóliginde naızaǵaı oınap, jańbyr jaýady, keı kezde nóser jaýyn da boljanyp otyr. Keıbir óńirlerde burshaq jaýyp, daýyl soǵýy múmkin.
Kúndiz batysta aýa temperatýrasy +7…+18 gradýsqa deıin tómendeıdi, soltústik-batysta +10…+20 gradýs bolady. Qalǵan óńirlerde aýa temperatýrasy kóteriledi:
- soltústikte +18…+27 gradýsqa deıin,
- ortalyqta +22…+30 gradýsqa deıin,
- shyǵysta +20…+28 gradýsqa deıin, taýly jerlerde +10…+15 gradýsqa deıin,
- ońtústikte +27…+32 gradýsqa deıin, taýly jerlerde +22 gradýs shamasynda,
- ońtústik-shyǵysta +20…+30 gradýsqa deıin, taýly jerlerde +10…+15 gradýs bolady.
