سينوپتيكتەر الداعى كۇندەرگە ارنالعان اۋا رايى بولجامىن ۇسىندى، دەپ حابارلايدى Dalanews.kz.
ماسكەۋ ماڭىنان جىلجىپ كەلە جاتقان سيكلون جانە اتموسفەرالىق فرونتتار اسەرىنەن قازاقستان اۋماعىندا تۇراقسىز اۋا رايى ساقتالادى. رەسپۋبليكانىڭ باسىم بولىگىندە نايزاعاي ويناپ، جاڭبىر جاۋادى، كەي كەزدە نوسەر جاۋىن دا بولجانىپ وتىر. كەيبىر وڭىرلەردە بۇرشاق جاۋىپ، داۋىل سوعۋى مۇمكىن.
كۇندىز باتىستا اۋا تەمپەراتۋراسى +7…+18 گرادۋسقا دەيىن تومەندەيدى، سولتۇستىك-باتىستا +10…+20 گرادۋس بولادى. قالعان وڭىرلەردە اۋا تەمپەراتۋراسى كوتەرىلەدى:
- سولتۇستىكتە +18…+27 گرادۋسقا دەيىن،
- ورتالىقتا +22…+30 گرادۋسقا دەيىن،
- شىعىستا +20…+28 گرادۋسقا دەيىن، تاۋلى جەرلەردە +10…+15 گرادۋسقا دەيىن،
- وڭتۇستىكتە +27…+32 گرادۋسقا دەيىن، تاۋلى جەرلەردە +22 گرادۋس شاماسىندا،
- وڭتۇستىك-شىعىستا +20…+30 گرادۋسقا دەيىن، تاۋلى جەرلەردە +10…+15 گرادۋس بولادى.
