Astanadaǵy el kózinen tasalaý ornalasqan eńseli úı qaıtadan satylymǵa shyqqan bolatyn. Bastapqy baǵasy – 1,8 mlrd teńge. Záýlim úıdiń Kárim Másimovke qatysy bolýy múmkin,- dep habarlaıdy Dalanews.kz.
«Qaıtarylǵan aktıvterdi basqarý kompanıasy» JSHS E-Qazyna veb-platformasynda baǵany kóterý ádisimen qaıtalama saýda 28 naýryzda saǵat 10:00-de ótti.
Saýdaǵa kelesi aktıvter qoıyldy:
Jertólesi bar turǵyn úı, ornalasqan jeri: Astana qalasy, Nura aýdany, Qaraótkel yqsham aýdany, Ereımentaý kóshesi, ǵımarat 1.
Bastapqy baǵasy: 1 883 338 958,00 teńge.
Turǵyn emes úı-jaı, ornalasqan jeri: Almaty qalasy, Bostandyq aýdany, Kóktem-2 yqsham aýdany, 22-úı.
Bastapqy baǵasy: 4 377 184 000,00 teńge.
Saýda-sattyqqa qatysý úshin E-Qazyna platformasynda tirkelý, kepildik jarna engizý jáne belgilengen merzimde ótinim berý qajet. Saýda onlaın formatta ótti, bul qatysýshylarǵa álemniń kez kelgen jerinen qosylýǵa múmkindik berdi.
