استاناداعى ەل كوزىنەن تاسالاۋ ورنالاسقان ەڭسەلى ءۇي قايتادان ساتىلىمعا شىققان بولاتىن. باستاپقى باعاسى – 1،8 ملرد تەڭگە. ءزاۋلىم ءۇيدىڭ كارىم ماسىموۆكە قاتىسى بولۋى مۇمكىن،- دەپ حابارلايدى Dalanews.kz.
«قايتارىلعان اكتيۆتەردى باسقارۋ كومپانياسى» ج ش س E-Qazyna ۆەب-پلاتفورماسىندا باعانى كوتەرۋ ادىسىمەن قايتالاما ساۋدا 28 ناۋرىزدا ساعات 10:00-دە ءوتتى.
ساۋداعا كەلەسى اكتيۆتەر قويىلدى:
جەرتولەسى بار تۇرعىن ءۇي، ورنالاسقان جەرى: استانا قالاسى، نۇرا اۋدانى، قاراوتكەل ىقشام اۋدانى، ەرەيمەنتاۋ كوشەسى، عيمارات 1.
باستاپقى باعاسى: 1 883 338 958،00 تەڭگە.
تۇرعىن ەمەس ءۇي-جاي، ورنالاسقان جەرى: الماتى قالاسى، بوستاندىق اۋدانى، كوكتەم-2 ىقشام اۋدانى، 22ء-ۇي.
باستاپقى باعاسى: 4 377 184 000،00 تەڭگە.
ساۋدا-ساتتىققا قاتىسۋ ءۇشىن E-Qazyna پلاتفورماسىندا تىركەلۋ، كەپىلدىك جارنا ەنگىزۋ جانە بەلگىلەنگەن مەرزىمدە ءوتىنىم بەرۋ قاجەت. ساۋدا ونلاين فورماتتا ءوتتى، بۇل قاتىسۋشىلارعا الەمنىڭ كەز كەلگەن جەرىنەن قوسىلۋعا مۇمكىندىك بەردى.
